Circulares literae dioecesanae anno 1915. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

III.

27

Nr. 548.

Augustissimus Pontifej Benedictus Papa XV. preces pro pace dicendas praescribit.

Priores litterae circulares typis iam . descriptae impressaeque erant, quum ad manus Nostras devenit decretum Suae Sanctitatis die 10 currentis mensis editum, quo idem Beatissimus Pater die 7 Februarii labentis anni, Dominica Sexagesimae recurrente, in omnibus universae Europae ecclesiis cathe- dralibus, parochialibus et regularibus preces pro pace tantopere ab omnibus desiderata, faciendas praescribit. Filiali igitur pietate eiusmodi benigno Augustissimi Pontificis mandato morem gerentes: praesentibus preces de quibus agitur, ad tramitem decreti hac ratione faciendas praescribimus:

Dominica Sexagesimae post Missam conventualem seu parochialem solemnis- sime exponatur SS. Eucharistiae Sacramentum in throno, coram quo populus concinet canticum Hallgasd meg stb., alias in Rogationum feriis usitatum, deinde sacerdos recitabit orationem pro pace, uti in Rituali Strigoniensi pag. 330. habetur.

Sanctissima Eucharistia adorationi exposita manebit tota die, et iuxta votum Augustissimi Pontificis fiet, si non tantum adulti, verum pueri quoque ad Sanctissimum continenter adorandum praesentes sint. Vespere, priusquam Sanctissimum reponeretur, praeorante sacerdote absolvetur Rosarium, adiecta in fine oratione pro pace, quam ipse Beatissimus Pater composuit. Deinde cantabuntur (vel recitabuntur) Litaniae Omnium Sanctorum, uti id fieri consuevit in processionibus feriarum Rogationum, adiecta in fine oratione pro pace: Deus, a quo sancta desideria. Pro omnium denique fine cantatis strophis Tantum ergo et Genitori more solito detur sacramentalis benedictio.

Quae omnia ad mentem Beatissimi Patris rite peragenda, festo B. M. V. Purificantis promulgentur et fideles ipsi ad fundendas ferventiores preces incitentur, ut Deus, qui conterit bella, nostra quoque conterat corda, iracundiae vero suae flagella a nobis placatus avertat. Ut autem omnes ad praefatas expiationis preces eo magis incitentur, Beatissimus Pater omnibus utriusque sexus Xtifide- libus, rite confessis et s. Synaxi refectis, necnon coram exposita SS. Eucharistia ad tempus (sive ante meridiem, sive post) pie orantibus indulgentias plenarias benigne concessit.

5