Circulares literae dioecesanae anno 1913. ad clerum archidioecesis strigoniensis a Joanne Csernoch principe primate regni Hungariae et archiepiscopo dimissae

IX.

95

IX.

Nr. 8434.

Calendarium seu Directorium arehi- dioeceseos Strigoniensis ad mentem constitutionis „Divino afflatu41 reformatum.

Quum ex memorabili bulla pontificia „Divino afflatu“ novum psalterii ordinem statuente, eumdemque inde a calendis ianuariis huius labentis anni 1913 in effectum deducente abunde omnino constet, summum Ecclesiae legislatorem et magistrum nihil cupere vehementius, quam ut menti suae in praefata constitutione plenius significatae per frequen- tiorem ferialium et dominicalium officiorum recitationem satisfiat: exquisito prius ad tramitem decretorum senatus mei, Cathedralis quippe Capituli consensu, supplices Augustissimo Pontifici porrigebam preces pro gratia, quatenus nonnulla festa procedente tempore ut plurimum ex privato arbitrio in Calendarium archidioe- ceseos inducta aut vero de expressa Sedis Apostolicae venia adusque recitari solita, postmodum Psalterii nempe reformatione fortunata manu rite peracta, omitti liceret, ut ita plures in Directorio superessent dies liberi pro ferialium recitatione officiorum. Alia insuper eiusmodi postulationis ratio urgebat, immutata nempe recenter Missarum defunctorum privatarum disciplina liturgica, eadem pontificia constitutione stabilita, has Missas quibusdam privilegiatis, praeprimis Quadragesimae et Vigiliarum feriis partim in genere excludens, partim vero coarctans nimis;

ita ut consentaneum omnino videretur apto modo augere de venia Apostolicae Sedis dies extra Quadragesimam liberas, in quibus etiam iuxta nunc vigentes Rubricas privatas Defunctorum Missas celebrare fas esset. Eliminationem porro nonnullorum festorum non stricte propriorum alia etiam suadebat ratio vel maxime, eorumdem quippe festorum numerus re- centiori aetate admodum auctus et ab omnibus fere melioris notae auctoribus liturgicis haud iniuste deploratus. Gregorius siquidem hoc nomine XIII. immediatus S. Pii V. successor, in sua constitutione „Pastoralis Officii“ d. d. 30 Dec. 1573. iam conqueri coeperat, quia oh plurima festa Hispaniae regno concessa, „sequebatur ut Officium maioris partis feriarum omitteretur et Ordo Breviarii fere subverteretur

.11 Gavantus, qui vitam anno 1638 clausit, ideoque nondum creverant festa Sanctorum ad numerum 187, tamen ad rem scribit: „Videant Episcopi, ne pluralitate festorum fiat iniuria officio feriali.“ (Sect. III. c. 3. n. 5.) — Guyetus, qui anno 1685 opus suum edidit, loquitur „de notabili detrimento, quod infertur Officio de Tempore, ex ingenti illa festorum coacervatione, quam eousque demum aliqui promovent, ut vix locus ullus, aut certe exiguus admodum feriis supersit. (L.

14