Circulares literae dioecesanae anno 1912. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VIII.
VIII. Nr. 3808. Sacra exercitia pro clero Archidioece- sano. Nr. 3159. Circa orientales pecuniae collectores. „Diuturna experientia compertum est, — ait Clemens PP. XI. in literis ad omnes Italiae episcopos 1. Febr. 1710. directis — ad retinendam, conservandam- que sacerdotalis ordinis dignitatem et sanctimoniam magnopere conducere, ut ecclesiastici viri spiritualibus exercitiis aliquando vacent, quibus quidquid sordium de mundano pulvere contractum est, commode detergitur, ecclesiasticus spiritus reparatur, mentis acies ad divinarum rerum contemplationem extollitur recte sancteque vivendi norma vel instituitur vel confirmatur.“ Ad hunc fructum spiritualem quo uberiori modo consequendum paterne Vos invito, Ven. Fratres et Filii Dilectissimi, ad sacra exercitia in aedibus Seminarii Strigoniensis vespere diei 26. Augusti inchoanda et mane diei 30. eiusdem mensis finem nactura. Partem in istis exercitiis sacris capturi — hac sua intentione Cancellariae meae Strigoniensi usque 22-am Augusti praevie insinuata — breviarium, super- pelliceum, stolam albi coloris et librum de imitatione Christi secum afferant. Sacrae huic Congregationi de Propaganda Fide pro Negotiis Rituum Orientalium persaepe recursum habent clarissimi Viri in ecclesiastica dignitate et iurisdictione constituti, sive Ordinarii, sive Apostolicae Sedis Delegati, sive alii, a suprema Auctoritate remedium flagitantes contra improbandam agendi rationem quorumdam ad ritum Orientalem pertinentium, qui hac et illae, per Europae et Americae praesertim regiones, cursitant ad eleemosynas colligendas, quaesito colore vel praetextu propriae missionis necessitates sublevandi. Huiusmodi Viri pecuniam colligentes qui fere semper ad clerum orientalem catholicum se pertinere dictitant, et quandoque etiam vestium ornamenta et titulos ecclesiasticarum praeseferunt dignitatum, exhibent documenta linguis et characteribus in Occidente parum cognitis conscripta, et sigillis variis munita, quae ipsi asserunt a Praelatis, vel etiam a Patriarchis orientalibus prodire, et fidem facere de viri ea exhibentis honestate, et de necessitate eleemosynarum ad construendas vel reparandas ecclesias, ad scholas vel nosocomia aedificanda et sustentanda, ad orphanos alendos, aut populos clade vel fame perculsos adiuvandos, vel ad aliud pium opus promovendum. Persaepe autem accidit documenta allata apocrypha esse, virum ipsum sic emendicantem fraudulenter dignitatem et insignia ecclesiastica iactare et gerere (quae etiamsi constarent vere concessa a 16
