Circulares literae dioecesanae anno 1911 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
III.
21 Nr. 579. Litterae Ssmi Domini Nostri Pii Papae X. III. Humillima vota, quae ad festa Nativitatis Domini Suae Sanctitati Pio PP. X. nomine etiam Cleri et populi fidelis archidioecesis meae nuncupavi, Beatissimus Pater clementissime excipere dignatus est teste epistola, quam Vobis, Venerabiles Fratres, communicandam esse duxi: Dilecto Filio Nostro Claudio S. R. E. Presb. Card. Vaseary Archiepiscopo Strigoniensi Strigonium. PIUS PP. X. Dilecte i ili Noster Salutem et Apostolicam Benedictionem. Redeunte die natali Jesu Domini, occasionem tu quidem cupide arripuisti declarandae Nobis denuo pietatis tuae: idque intelligi licuit ex tuis ad Nos litteris, quae Nos admodum delectarunt. In his animum tuum, omnia Nobis bona exoptantis, multum amavimus: sed multo magis tuum studium praescriptis Nostris obtemperandi, iis maxime, quae ad frequentem usum Sacratissimae Eucharistiae et ad accuratam depositi Fidei custodiam pertinent. Haec enim tu iure magni facis, utpote quae diligentissime observari, plurimum Ecclesiae sanctae intersit: Nos autem, omni te benevolentia complectentes, tibi, dilecte Fili Noster, et privatim et in tuae dioecesis fructum, munera divinae benignitatis optamus: atque horum auspicem, tibi et Clero populoque tuo apostolicam benedictionem peramanter impertimus. Datum Romae apud S. Petrum die XIV. mensis Januarii MCMXI. Pontificatus Nostri anno octavo. Pius PP. X. Nexu harum litterarum omnibus animarum curatoribus committo, ut populum fidelem de benignissime sibi impertito Apostolica Benedictione congruo modo edoceant atque salutaribus monitis ad- hortentur, ut inter tantas rerum temporumque calamitates columnae veritatis, S. SedPApostolicae inconcussa fidelitate adhaereant Deumque Omnipotentem fervidissimis precibus obsecrent, ut famulum suum, cui Unigeniti sui in terris vices credidit, continua protectione custodiat. 4
