Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIX.

211

tium utile unius mensis ad exhibendam petitionem ac titulos necessarios.

4. Periculum de doctrina erit scripto faciendum certo die, quo propositae ex tempore quaestiones evolventur circa dispi- plinas ad petitum officium pertinentes. De proposita materia candidati in communi aula conscribent, designatis horis, advigilante Consultore aut aliquo ex minoribus ejusdem Officii administris, quem Praelatus moderator adlegerit.

5- 0. Scripta, numeris distincta, non expresso candidati nomine, duo Consultores ordine excutient, a Congressu eligendi, et, si agatur de S. Rota, a Decano. Horum nomina Censorum occulta manebunt; iidem- que quamprimum suum expriment scripto judicium super exarata a candidatis, declarantes, quaenam ex iis, sive doctrinae laude, sive dicendi forma probentur; quaenam idonea tantum, quaenam omnino improbanda censeantur.

6- 0. Si Consultorum judicia de idoneitate scripti secum pugnent, candidatus non idoneus habebitur deficientis causa doctrinae. Verum facultas erit Congressui, et apud S. Rotam Decano, in ea judiciorum discrepantia, exquirendi, si necessarium aut aequum duxerint. Consultoris tertii suffragium, ad quem proinde remittentur priorum duorum judicia, ut ipse proferat de summa lite sententiam.

7- 0. Ut quis possit ad eligendorum scrutinium admitti, requiritur tamquam necessaria conditio ut probatus discesserit experimento doctrinae.

8- 0. Scrutinium fiet a Congressu, et apud S. Rotam a Collegio Auditorum. Idem erit duplex, et in utroque suffragia erunt secreta.

Tn primo, suffragia ferentur de singulis candidatis, ut decernatur, quinam

aetate, moribus, indole censeantur, idonei. Qui paria suffragia retulerint judicandi sunt non ideonei.

In altero suffragia ferentur de singulis in primo scrutinio approbatis, ut decernatur quinam virtute, meritis, scientia, habilitate sit praeferendus. Paribus inter duos plu- resve candidatos suffragiis, Cardinalis, qui Congressui praeerit, et apud S. Rotam Decanus, paritatem diriment.

9- 0. De scrutinii exitu ad Summum Pontificem integre referetur, ut Eo probante, ad candidati nominationem deveniri possit.

10- o. Rationes et modi, quibus lata sunt suffragia, sunt prorsus reticendi

11- o. Litteras nominationis ad majores j Administros mittet Cardinalis a Secretis

Status; ad minores mittent, in S. Rota Decanus, subscripto nomine alicujus Notarii; in ceteris Officiis suus cujusque praeses Cardinalis, contra posita subscriptione more rescriptorum.

12- 0. Deservientium nominatio, apud S. Rotam spectat ad Collegium Auditorum; apud Officia reliqua ad suum cujusque Praesidem Cardinalem, proponentibus majoribus Administris.

13- 0. In uno eodemque viro cumulare munia non licet; ideoque qui ad novum adspiret munus, ad id semel assumptus, pristino cessit.

14- 0. Ad unum idemque Officium prohibetur aditus duobus consanguineis in primo et secundo gradu, et affinibus in primo.

15- 0. Minoribus administris, ubi inter ipsos vacaverit locus, jus est adscensus titulo ministerii provectioris; non ita ceteris.

Cap. III. Juramentum.

Cujusvis ordinis Administri, ante quam adsciscantur, jusjurandum dabunt, coram