Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIX.

212

suo Praelato, „de officio fideliter implendo, de non recipiendis muneribus etiam sponte oblatis, et de secreto servando,“ secundum formulam heic adjectam, servata lege iis Officiis quibus peculiare et gravius jusjurandum imponitur, ut communi formae particularem addant.

Jurisjurandi forma.

In nomine Domini.

Ego N. N. spondeo, voveo ac juro, fidelem et obedientem me semper futurum B. Petro et Domino Nostro Papae ejusque legitimis Successoribus; ministeria mihi commissa in hac S. Congregatione (Tribunali, aut Officio) sedulo ac diligenter impleturum; munera mihi in remunerationem, etiam sub specie doni oblata, non recepturum : et secretum officii religiose servaturum in iis omnibus, quae sacri Canones aut Superiores secreta servari jusserint, item que, quoties ab Ordinariis id postulatum fuerit, et quando ex revelatione alicu- jus actus praejudicium partibus aut Ecclesiae obvenire potest. Sic me Deus adjuvet, et haec Sancta Dei Evangelia, quae meis manibus tango.

Cap. IV. De horis ac disciplina officiorum.

1- o. Spatium temporis officio assignatum est matutinum, ab hora nona cum dimidio usque ad meridiem cum semihora, singulis diebus non feriatis. Per has horas administri omnes tenentur in officio esse, non remorari, nec ab ipso ante constitutum tempus discedere, incolumi eorum privilegio, quibus officii sui lex concesserit ut commissum opus possint exequi domi.

2- 0. Est tamen Moderatoribus facultas concedendi singulis Administris diem unum

vel duos vacationis in mense, modo talis concessio cum Officii necessitatibus componi queat. Eadem conditione quotannis aut unoquoque biennio dies aliquot, non ultra hebdomadam, singulis concedere debebunt, ut piis exercitationibus vacent.

3- 0. Morbo aut alia causa impediti quominus Officium adeant, rem Praelato significent.

4- 0. Exceptis majoribus Administris, itemque scriba Protocolli, Diribitore atque abis, qui sui muneris gratia debent se adeuntes excipere, ceteris non licet per horas officii visitantem quemquam admittere.

5- 0. In sua quisque munia religiose et quam optime explenda incumbet: nec fas erit cuiquam alienum occupare provinciam, aut in sui locum substituere quempiam, aut ipse alium sufficere.

6- 0. Verum, si Praelatus id committat, quilibet Administer se promptum exhibebit ad subrogandos collegas, atque ad alia non communia pensa quae forte sint expedienda.

7- 0. Erit curae omnibus, maxime iis qui praesunt, ne diu negotia jaceant. Danda igitur opera ut necessaria studia, ut actorum prescriptio, ut expeditio negotiorum ea sollicitudione procedant, quae naturae rerum tractandarum et normis Officii respondeant.

8- 0. Quoties igitur designatae horae muneri explendo satis non sint, administri reliquum operis aut domi conficient, aut morabuntur in officio diutius, aut revertentur post meridiem, prout visum fuerit moderatori opportunius.

9- 0. Quod si productus hic labor fere quotidianus evadat, moderatorum erit eum ex aequo remunerari.

10- o. Iidem Administrorum nomina, qui doctrina, diligentia, rerum agendarum