Circulares literae dioecesanae anno 1907 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VI.
VI. Nr. 2184. De Mense Junio Cordi Jesn Sacratissimo dicando. Sanctissimus Dominus Noster Pius Papa X. ad omnia in Christo restauranda in votis vel maxime habet, ut pium exercitium plurimis in ecclesiis jam introductum, consecrandi nempe mensem Junii Sacratissimo Cordi Jesu devotionibus quotidie peragendis, magis in dies propagetur et in Christifidelibus saluberrimas sane radices fortius et fructuosius agere conspiciatur. In excipiendo igitur die 8 Augusti anni 1906 Emmo Cardinali Praefecto S. Congreg. Indulgentiarum et SS. Reliqu. ac Pro-Praefecto Congregat. SS. Rituum Summus Pontifex plurimis Indulgentiis a Leone XIII datis perraras alias ac pono inusitatas addere est dignatus sive ad illius Mensis exercitii majus incrementum sive ad ejusdem propagatorum incitamentum. Indulgentiae a Pio X concessae sunt hujusmodi: I. Indulgentia Plenaria Toties Quoties, quae defunctorum etiam animas afficiat ac juvet, die trigesima Mensis Junii lucranda in iis Ecclesiis, ubi Mensis Sacri Cordis exercitium sit solemniter ac rite peractum. II. Privilegium Altaris Gregoriánt Í ad instar in Missa diei trigesimae Mensis Junii concionatoribus et moderatoribus Ecclesiarum, ubi pium exercitium fuerit solemni ritu absolutum. III. Pium hoc exercitium promoventibus Indulgentia 500 dierum lucranda quocumque bono opere, quod ad illud propagandum vel augendum pertineat; Plenaria autem Indulgentia singulis diebus Mensis Junii, cum Sacram Eucharistiam sumant: utraque Animabus in Purgatorio carcere detentis etiam profutura. Harum Indulgentiarum extra ordinem concessio satis ac super ostendit ingens Pontificis desiderium, ut pium Mensis Sacri Cordis institutum toto terrarum orbe diffundatur et ab omnibus rite ! celebretur, ita ut maxime omnium efficiat illam rerum in Christo restaurationem, ad quam pientissimus Pontifex jam inde a pontificatus sui exordiis mentis aciem intendit. Huic desiderio augustissimi Pontificis respondens vehementer Vos, Ven. Fratres, exhortor, ut mensem Junium Divo Cordi Sacrum majori qua fieri potest devotione et solenmitate celebrare satagatis. Agite, ut per hunc mensem fideles ii
