Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

VI.

46

de Canonicis Panormitanis; diei XXIX. Januarii MDCCLII. de Canonicis Urbinatibus ; diei XXVII. Aprilis MDCCCXVIII. de Protonotariis Titularibus, a Pio PP. VII. approbatum; ac diei XXVII. Augusti MDCCCXXII. de Canonicis Barensibus.

Hisce tamen vel neglectis, vel ambitioso conatu, facili aufugio, amplificatis, hac nostra aetate saepe videre est Praelatos, immoderato insignium et praerogativarum usu, praesertim circa Pontificalia, viliores reddere dignitatem et honorem eorum, qui sunt revera Pontifices.

Quamobrem, ne antiquiora posthabeantur sapienter a Praedecessoribus Nostris edita documenta, quin imo, ut iis novum robur et efficacia adiiciatur, atque insuper praesentis aevi indoli mos iuste geratur, sublatis omnibus consuetudinibus in contrarium, nec non amplioribus privilegiis, praerogativis, exemptionibus, induitis, concessionibus, a quibusvis personis, etiam speciali vel specialissima mentione dignis, nominatim, collective, quovis titulo et iure, acquisitis, assertis, aut praetensis, etiam Praedecessorum Nostrorum et Apostolicae Sedis Constitutionibus, Decretis, aut Rescriptis, confirmatis, ac de quibus, ad hoc, ut infirmentur, necesse sit peculiariter mentionem fieri, exquisito voto aliquot virorum in canonico iure et liturgica scientia peritorum, reque mature perpensa, motu proprio, scientia, ac de Apostolicae potestatis plenitudine, declaramus, constituimus, praecipimus, ut in posterum, Praelati Episcopis inferiores aliique, de quibus infra, qua tales, non alia insignia, privilegia, praerogativas audeant sibi vindicare nisi quae hoc in Nostro documento, Motu Proprio dato, continentur, eademque ratione ac forma, qua hic subiiciuntur.

A) De protonotariis Apostolicis.

1. Quatuor horum habeantur ordines: I.° Protonotarii Apostoliéi de Numero Participantium, septem qui Collegium privative constituunt;

— II.0 Protonotarii Apostoliéi Supranumerarii;

— III.0 Protonotarii Apostoliéi ad instar Participantium ; IV.0 Protonotarii Apostoliéi Titulares, seu honorarii (extra Urbem).

I. Protonotarii Apostoliéi de numero Participantium.

2. Privilegia, iura, praerogativas et exemptiones quibus, ex Summorum Pontificum indulgentia iamduduin gaudet Collegium Proto notariorum Apostolicorum de numero Participantium, in propriis Statutis nuperrime ab ipsomet Collegio iure reformatis inserta, libenter confirmamus, prout determinata inveniuntur in Apostolicis Documentis inibi citatis, ac praesertim in Constitutione „Quamvis peculiaris“ Pii PP. IX., diei IX. mensis Februarii MDCCCLIII, paucis exceptis, quae, uti infra, moderanda statuimus.

3. Protonotarii Apostoliéi de numero Participantium habitu praelatitio rite utuntur, et alio, quem vocant pianum atque insignibus prout infra numeris 16, 17, 18 describuntur.

4. Habitu quotidiano incedentes, caligas, collare et pileum ut ibidem n. 17 gestare poterunt, ac insuper Annulum gemmatum, quo semper iure utuntur, etiam in privatis Missis aliisque sacris functionibus.

5. Quod vero circa usum Pontificalium insignium, Xystus V. in sua Constitutione „Laudabilis Sedis Apostolicae sollicitudo“, diei VI. mensis Februarii MDCLXXXVI. Protonotariis Participantibus concessit: „Mitra et quibuscumque aliis Pontificalibus insignibus, etiam in Ca- thedralibus Ecclesiis, de illorum tamen Praesulum, si praesentes sint, si vero abstentes, absque illorum consensu, etiam illis irrequisitis, extra curiam uti“, in obsequium praestantissimae Episcoporum dignitatis, temperandum censuimus, ut pro Pontificalibus, extra Urbem tantimr agendis, iuxta S. R. C. declarationem quoad Episcopos extraneos vel Titulares, diei IV. mensis Decembris MCMIII. ab Ordinario loci veniam semper exquirere teneantur, ac insuper consensum Praelati Ecclesiae exemptae, si in ea sit celebrandum.