Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
V.
36 sensu „tuto id fieri posse“ responderunt. Nos vero in re tam gravis momenti distulimus judicium in alium diem, Dominica prima Quadragesimae idest decimo kalen. martias volventis hujus anni MCMIV. adstantibus Cardinalibus Aloisio Tripepi Sacrorum Rituum Congregationi Pro-Praefecto ac praedicto Andrea Steinhuber causae Relatore, necnon R. P. Alexandro Verde S. Fidei Promotore, suprema nostra Apostolica auctoritate decrevimus tuto procedi posse ad solemnem Venerabilium Servorum Dei Marci Crisim, Stephani Pongráczii et Melchioris Grodeczii Beatificationem. Quae cum ita sint, moti precibus universae Societatis Jesu, auctoritate Nostra Apostolica harum litterarum vi facultatem facimus, ut Servi Dei Marcus Crisinus liburnus Canonicus Strigo- niensis, Stephanus Pongráczius hungarus et Melchior Grodeczius silesius e Secietate Jesu Beatorum nomine in posterum nuncupentur eorumque corpora et lipsana seu reliquiae, non tamen in solemnibus supplicationibus deferendae, publicae venerationi fidelium proponantur et imagines radiis decorentur. Dein eadem Nostra auctoritate concedimus, ut de iis quotannis recitetur Officium et Missa de communi plurimorum Martyrum cum orationibus propriis per Nos approbatis juxta rubricas Missa lis et Breviarii Romani. Hanc vero Officii recitationem Missaeque celebrationem fieri concedimus in dioecesibus Stri- goniensi et Cassoviensi, et in omnibus Ecclesiis et Oratoriis quibus utitur Societas Jesu ab omnibus qui horas canonicas recitare teneantur, et quoad Missam attinet ab omnibus sacerdotibus tam saecularibus quam regularibus ad Ecclesias in quibus festum agitur convenientibus, servato decreto S. Rituum Congregationis N. 3862. Urbis et Orbis IX. decembris MDCCCXCV. Denique concedimus, ut solemnia Beatificationis supradictorum Servorum Dei in supradictis Dioecesibus et templis celebrentur ad normam decreti seu Instructionis S. Rituum Congregationis die XVI. decembris MCMII. de triduo intra annum a Beatiticatione solemniter celebrando, quod statis legitima auctoritate diebus praecipimus intra annum postquam eadem solemnia in Basilica Vaticana fuerint celebrata. Non obstantibus Constitutionibus et Ordinationibus Apos- tolicis ac decretis de non cultu editis ceterisque contrariis quibuscumque. Volumus autem, ut harum litterarum exemplis etiam impressis, dummodo manu Secretarii dictae Rituum Congregationis subscripta sint et sigillo Praefecti munita, eadem prorsus in disceptationibus etiam judicialibus fides habeatur, quae Nostrae voluntatis significationi hisce litteris ostensis haberetur. Datum Romae apud s. Petrum sub annulo Piscatoris die 1. Novembris MCMIV. Pontificatus Nostri anno II. L. f S. ALOIS. CARD. MACCHI. 1. Toto anni tempore: a) Sabbatis (non tamen jejunio Quadragesimae, Quatuor Temporum autVigiliarum consecratis) esus carnium permissus est. Innixi facultatibus a b. m. P. Leone XIII. die 25. Jan. a. 1899. episcopis Hungáriáé ad septennium concessis, sequentia quoad abstinentiam hoc anno decernimus. Una obligamus animarum curatores, ut has dispositiones ineunte tempore quadragesimali fidelibus congruo sermone annuntiare, uberius exponere et strictissimam observationem inculcare velint. Nr. 916. Dispensatio in lege abstinentiae.
