Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

V.

37

b) Ad condiendos cibos omnium jejuniorum diebus, etiam in refectione serotina, quocunque salubri adipe uti licet excepta tantum feria VI. Parasceves, in qua oleo aut butyro est utendum.

c) Feriis VI. per annum esus carnium non permittitur (neque in Metropoli Budapest) nisi occurrat festum fori.

d) Jejunium stricte servandum est cum abstinentia a carnibus:

Feriis IV. et VI. Adventus;

Vigiliis Nativitatis Domini — Pentecostes — Apostoloi'um Petri et Pauli — Assumptionis B. M. V. — et Omnium Sanctorum.

2. Tempore Quadragesimae.

e) Feriis II., III. et V. (excepta feria V. in Coena Domini) esus carnium permittitur, vetita in eadem comestione piscium cum carnibus promiscuitate. His autem diebus in refectione vespertina carnibus vesci non licet. Instent animarum pastores, ut usus contrarius tollatur. Pauperes vero et indigentes moneant, ut hac in re confessariorum iudicio sese committant.

f) Dominicis Quadragesimae esus carnium permittitur, promiscere tamen carnes cum piscibus vetitum est.

g) Feriis IV., VI. et Sabb. Quadragesimae jejunium stricte servandum est cum abstinentia a carnibus.

3. Dispensationes speciales.

h) Iter agentibus, donec peregrinantur et coguntur adire diversoria, in quibus cibi esuriales obtineri facile nequeunt; insuper negotiatoribus et occasione nundinarum mercaturam exercentibus, necnon multitudini confluenti ad easdem nundinas; iis etiam qui mensam propriam non habent et toto anno cibum sumunt in diversoriis,

tabernariis seu cauponibus, eorumque familiis et famulis, dispensationem uberiorem in abstinentiae lege concedimus, exceptis tamen postremis tribus Maioris Hebdomadae diebus, et vigilia Nativitatis Domini. Servis pariter et ancillis ac recipientibus aliqua dependentiae ratione victum penes eas familias, quae legi abstinentiae non pareant, indulgendum, dummodo obvietur contemptui religionis; studeant tamen, ut saltem Feria VI. Maioris Hebdomadae abstinentiam observent.

i) Incolis metropoleos Budapest esus carnium permittitur diebus ieiuniorum, exceptis nonnisi fer. IV. Cin., feriis VI. Quadragesimae, Quatuor Temporum et Adventus; item excepto triduo mortis Domini, exceptisque vigiliis Nativitatis Domini, SS. Apostolorum Petri et Pauli, necnon Assumptionis B. M. V.

k) Qui ob graves causas, praeter supra allatas uberiorem in lege abstinentiae anhelant dispensationem, in casibus particularibus recurrere possunt ad Ordi- nariatum.

Oblatio initio s. Missae — Pater aeterne, intentiones et affectus, quos Maria SSma Perdolens super Calva- rio habuit, meos efficio, atque sacrificium tibi offero, quod de se ipso in Cruce obtulit et nunc super hoc sanctum Altare renovat dilectus filius tuus Jesus: 1° ut te adorem et debitum tibi reddam honorem, in te profitendo dominium supremum in omnibus rebus, a te absolutam earum dependentiam, in te nostrum unicum et ultimum finem; 2° ut de innumerabilibus beneficiis receptis gratias tibi agam; 3° ut tuam iustitiam pro multis peccatis offensam placem ac condignam tibi redNr. 916.

Indulgentiae largiuntur oblationem initio Missae recitantibus.