Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
11 Nr. 497. Decretum S. Congr. Concilii de Clericis ad Ameri- cam et ad Philippinas insulas profecturis. illuxit, Idem SSmus Pater, sacris ante religiosissime operatus, ad Se accivit Rmos Cardinales Seraphinum Cretoni S. R. Congregationi Praefectum et Adream Steinhu- ber causae Relatorem una cum R. P. Alexandro Verde S. Fidei Promotore me- que infrascripto Secretario, iisque praesentibus solemniter pronunciavit. „Ita constare de martyrio eiusque causa, itemque de signis seu miraculis martyrium ipsum illustranitibus praedictorum Venerabilium Servorum Dei Marci Crisini Canonici Strigoniensis, Stephani Pongracz et Melchioris Grodecz Sacerdotum e Societate Iesu, ut procedi possit ad ulteriora in casu et ad effectum de quo agitur Hoc autem Decretum vulgari et in acta S. Rituum Congregationis referri iussit VIII idus Ianuarias, anno MDCCCCIV. SERAPHINUS Card. CRETONI, S. R. C. Praefectus. L. f S. f DIOMEDES PANICI, ARCHIEP. LAODICEN., S. R. C. Secretarius. DECRETUM. De clericis ad Americani et ad Philippinas Insulas profecturis. Clericos peregrinos, a remotis transmarinis oris venientes, iuxta veterum Patrum statuta, et canonicas sanctiones, tit. 22. lib. Decret., ipsasque prudentiae regulas, nonnisi caute ad sacri ministerii exercitium esse admittendos, neminem profecto latet. Nam propter distantiam et dissimilitudinem locorum, de personis earum- que qualitatibus ac de valore documentorum, quae ab advenis exhibentur, iustum iudicium tute expediteque fieri saepe difficile est; fraus ac dolus (teste experentia) aliquando subrepunt; unde periculum passim imminet, ne indigni ac nequam viri super gregem fidelium constituantur cum gravissima divinae maiestatis offensa et rei Christianae iactura. Ad haec arcenda discrimina S. Concilii Congregatio, de speciali mandato SS.mi D. N. Leonis XIII., circularibus litteris ad Italiae et Americae Ordinarios die 27. mensis Iulii 1890. datis legem tulit, qua italomul sacerdotum migrationem in Americani certis regulis contineret. Huiusmodi regulae hae sunt: „1. In futurum prohibentur omnino Italiae Episcopi et Ordinarii concedere suis presbyteris e clero saeculari litteras ad emigrandum in regiones Americae.“ „2. Exceptio tantummodo admitti poterit, onerata Episcopi conscientia, pro aliquo eius dioecesano sacerdote maturae aetatis, sufficienti sacra scientia praedito, et vere iustam afferente emigrationis causam; qui tamen, bonum testimonium habens intemeratae vitae, in operibus sacri ministerii cum laude spiritus ecclesiastici et studii salutis animarum hactenus peractae, solidam spem exhibeat aedificandi verbo et exemplo fideles ac populos ad quos transire postulat, nec non moralem certitudinem praestat nunquam a se maculatam iri sacerdotalem dignitatem exercitatione vulgarium artium et negotiationum.“ „3. Sed in huiusmodi casu idem Italus Episcopus et Ordinarius, omnibus rite perpensis et probatis, rem absque sacerdotis postulantis interventu, agat cum ipso Ordinario Americano, ad cuius dioecesim ille transire cupit, et habita ab ipso Americano Ordinario eiusdem sacerdotis formali acceptatione, una cum promissione eum ad aliquod ministerii ecclesiastici munus deputandi, de omnibus et singulis ad memoratam S. Congregationem Concilii referat.
