Circulares literae dioecesanae anno 1901 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVIII.
139 In specie: De Missis Votivis solemnibus, ex causa non publica celebratis. 1. Missae Votivae, quantumvis solem- nes, quae pro re non gravi et ex causa non publica celebrantur, etiamsi in forma novemdialis vel octidui ante vel post aliquam Solemnitatem agantur, nullimode celebrentur in Dominicis et Festis Duplicibus, nisi ex induito speciali. Nec Votiva de Spiritu Sancto, vel alia, supradictis diebus licet celebrari, quacumque consuetudine non obstante, ob vestitionem vel professionem Monialium; sed neque ab ipso Episcopo in eligendam Abbatissam monasterrii suae iurisdictionis. Innuo ante Processionem SS. Sacra- ramenti, sive infra sive extra octavam Corporis Christi, vel qualibet tertia Dominica mensis, Missa coram SS. Sacramento cantari solita celebranda est de Dominica seu de Festo duplici occurente, cum commemoratione Ss. Sacramenti. Missae Votivae solemnes semper cantentur post Nonam ad formam Rubricarum. 2. In Ecclesiis, quae ad Missam Con- ventualem tenentur, si Missa Votiva solem- nis ex causa non gravi vel ex fundatione celebretur, nunquam omittatur Missa Con- ventualis de die: tunc vero in Missa Votiva fieri non debet Commemoratio Festi, de quo Missa Conventualis celebrata fuit. In ceteris vero Ecclesiis, si de Festo currenti prius alia Missa celebrata non fuerit, in Missa Votiva adantur tam Oratio diei, quam aliae occurentes. Ceterum in Missis Votivis huiusmodi, utcumque solemnibus, nisi pro re gravi 'et publica Ecclesiae causa, vel vi specialis induld celebrantur, Gloria in excelsis et Credo semper omittatur. Quod servetur etiam in novemdialibus, quibus Sanctorum Festa nonnumquam praeveniuntur, vel in octiduo, quod sequitur. In Missa Votiva de Passione, quae Feriis VI. per annum alicubi celebrari solet, colore utendum est violaceo, iuxta Rubricas, nec pulsanda sunt Organa. 3. Missae Votivae ex fundatione vel legato (de quibus iam supra aliquid innuimus) easdem normas ac ceterae Votivae sequuntur: ita ut legi vel cantari nequeant in Festis Duplicibus aut in diebus, in quibus nec de Duplici fieri possit. Ideo Sacra Congregatio, auctoritate summi Pontificis, die 5 Augusti 1662 mandavit, ne in futurum recipiatur obligatio ad Missas Votivas celebrandas, nisi pro diebus, in quibus secundum Regulas Missalis celebrari possunt. Missae vero Votivae, iam acceptatae et nondum celebratae, dicantur aliis diebus non impeditis; atque in horum defectu, pro Votivis sifficiat applicare valorem Missae currentis quae quidem, si opus sit, fiat cum cantu, aut etiam sine cantu ex rationabili causa ab Ordinario dignoscenda et approbanda. De Missis Votivis Beatae Virginis. 1. Missa Votiva de Reata Virgine, sive sit privata, sive solemnis, etiam pro re gravi, debet esse una ex Votivis R. M. V. in fine Missalis positis pro diversitate temporum, aliave approbata ut Votiva dicatur, ut Missa Gaudens gaudebo de Immaculata Conceptione et Missa Septem Dolorum. Missae vero propriae de Festivitatibus Beatae Mariae non celebrentur, nisi diebus in quibus dictae áolemnitates occurrunt et per earum octavas, quod servetur etiam si huiusmodi ^Iissae ex praescripto et institutione fundatorum petantur; quibus fiet satis celebrando aliquam ex Votivis B. M. V. iuxta temporis occurentiam.
