Circulares literae dioecesanae anno 1901 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVIII.
140 Contra vero, in Festivitatibus aut de die infra octavas eiusdem Beatae Virginis celebretur Missa Festivitatis aut de die infra octavam, tamquam non Votiva, sed Festiva. Pariter die quo Officium Votivum de Beata Virgine ex induito recitatur, Missa Votiva sumatur quae respondeat Officio. Immo in Vigilia Assumptionis (similiter et Immaculatae Conceptionis) B. M. V. etiam in implementum oneris, celebretur Missa de Vigilia; quippe qua et particularis oneris implemento consulatur. 2. In Missis Votivis de B. M. V. quae celebrantur in Sabbatis per annum et in Sabbatis Adventus, dicatur Hymnus Gloria, in excelsis, etiamsi Officium non fiat de ea: nunquam vero dicatur extra Sabbatum, nisi infra octavas eiusdem beatae Virginis ; etiamsi talis Missa celebretur ex legato, neque obstante consuetudine etiam immemorabili. Sacerdos vero, qui ex induito quotidie celebrat Missam Votivam de B. M. V., Gloria in excelsis dicat in Sabbato, uti supra, haud vero infra octavas eiusdem Beatae Virginis. Tres saltem orationes, iuxta Rubricas, dicantur, etiam in Missis Votivis huiusmodi, quae ex induito quolibet anni Sabbato cantari solent. Credo in Missis Votivis B. M. V. semper omittatur, nisi sint de die infra eiusdem Octavas, nequidem iis exceptis, quae sive in Cleri conventibus, sive ex legato, sive quolibet Sabbato ex induito celebratur. In Missis Votivis de B. M. V. color albus semper adhibeatur, non autem caeruleus, nisi ex privilegio. 3. Missae Votivae B. M. V. novemdiales debent esse ex Votivis'ut supra; nunquam vero propriae de 'Festivitatibus eius, nisi in ipsis Festivitatibus et per octavas earum. Missae huiusmodi, utcumque solemnes, celebrentur sine Gloria et sine Credo et cum tribus Orationibus: nisi speciale habeatur indultum. Quae de Missis novemdialibus dicta sunt, eadem fere dicantur de Missa Rorate in honorem Beatae Virginis quotidie per Adventum in aliquibus Ecclesiis cantari solita: quae quidem neque in Dominicis aut Festis duplicibus, neque cum unica Oratione et cum Gloria et Credo celebranda est, nisi peculiare interveniat indultum. Quo quidem obtento, non omittatur Missa Conventualis in Ecclesiis Collegiatis aut Conventualibus, vel Missa occurentis Festi de praecepto in minoribus Ecclesiis. De missa Pro Sponsis. In celebratione Nuptiarum, extra diem Dominicum, vel alium diem Festum de praecepto, seu in quo occurrat Duplex primae vel secundae classis, dicenda est Missa pro Sponso et Sponsa, in fine Mis- salis post alias Missas specialiter assignata. In diebus vero Dominicis aliisque diebus Festis de precepto, necnon diebus Duplicia excludentibus, dicenda est Missa de die cum commemoratione Missae pro sponso et sponsa, et quidem etiam in Festis primae classis, sub altera conclusione, ac primo loco post ceteras commemorationes de praecepto, si quae faciendae. Missa pro Sponsis, et in ea benedictio nuptialis, fieri potest etiam in casu, quo Sponsi infra hanc Missam Sacram Communionem non percipiant. Eadem Missa, cum sit Votiva privata, semper celebranda est, etiam si fiat in cantu, sine Gloria in excelsis et sine Credo et cum tribus Orationibus; la scilicet eiusdem Missae Votivae propria, 2a et 3a diei occurrentis ut in Rubr. Tit. VII. Num. 3. De Commemorationibus; necnon in fine Bene-
