Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
5 Nr. 371. MINORICEN R. D. Ioannes Rarber Pons, Ecclesiae Cathedralis Minoricensis Beneficiarius et Sacrarum Caerimoniarum Magister, de Ríni sui Episcopi consensu, sequentia dubia Sacrorum Rituum Congregationi resolvenda humillime proposuit, nimirum: Dub. I. An Officium votivum S. Iacobi Maioris Apostoli, quod ex Imdulto s. m. Clementis Papae IX, recitabatur feriis secundis non impeditis in Hispaniae dioecesibus, et nunc persolvi potest loco Officii votivi de Sanctis Apostolis pro feria tertia adsignati, iuxta decretum Urbis et Orbis diei 5 Iulii 1883, transferri possit ad feriam tertiam, in illis Hispaniae dioecesibus, ubi Officia votiva pro singulis hebdomadae diebus non sunt pro Communitatibus adoptata? Dub. II. An in dioecesibus, ubi Officia votiva pro singulis hebdomadae diebus decreto 5 Iulii 1883 concessa, non fuerint adhuc adoptata, possint ulterius semel pro semper eligi? Dub. III. An pro commemoratione S. Antonii Abbatis, huius dioecesis Minoricensis Patroni, de quo concessum est Officium proprium a Ssmo Dno Nostro Leone Papa XIII, dici possit in suffragiis Sanctorum antiphona propria de secundis Vesperis festi: „Hodie Beatus Antonius, hilari vultu Sanctos Angelos intuens, tamquam si amicos videret, migravit in coelum . . .“ omisso „Hodie“ ? Dub. IV. An omnes ad medium chori accedentes et recedentes unico genu flectere teneantur, Canonicis exceptis, quum non sit in altari maiori Ssmum Sacramentum reconditum ? Dub. V. An post Missam solemnem qua finita, benedictio cum Ssmo Sacramento datur, dum Celebrans et ministri recedunt ab altare ad scamnum in cornu Epistolae, ut ibi celebrans exuat casulam et manipulum, induatque pluviale, ac ministri manipulos deponant, debeant coram Ssmo Sacramento discooperto in ipso altari, ubi Missa celebrata est, in plano utroque genu flectere, aut unico genu in gradu infimo altaris? Dub. VI. An consuetudo utendi cingulo ad instar fasciae tolerari possit? Dub. VII. An toleranda consuetudo utendi fundo caerulei coloris sub velo trans- lucenti in fimbriis et manicis albarum? Dub. VIII. Dum dicitur „Fidelium animae“ in fine officii, estne manu producendum signum Crucis ad instar benedictionis ? Dub. IX. Thurificatio Ssmi Sacramenti, estne facienda duplici ictu in triplici ductu, etiam intra Missam solemnem, ante Introitum et ad Offertorium? Dub. X. Cereus Paschalis, debetne ar- dere, dum cantatur Missa in Vigilia Pentecostes? Dub. XI. Ante Ss. Sacramentum discoo2
