Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

II.

10

Feri a sexta. Pro America meridionali.

Sabbato. Pro Oceania.

X. Qui pio Sodalitio nomen dant, ex quacumque gente, per dimidam circiter horam orationi vacant coram SSmo semel in hebdomada, in die suae cuiusque nationi assignata, ut in numero praecedenti; vel alio hebdomadae die, si legitime impediti fuerint. Adscripti, in Urbe degentes, dimidiam horam, ut supra, in oratione insumunt in Ecclesia, in qua SSmum expositum est in forma Quadraginta Horarum; qui extra Romam degunt, in qualibet Ecclesia in qua SSmum Sacramentum asservatur.

XI. SSmus Dims Noster Leo PP. XIII. rata esse voluit quae iam decrevit, per litteras in forma Brevis datas die (> mensis Martii 1883. sacrarum Indulgentiarum munera iis omnibus qui ordini Sodalium ab Adoratione Reparatrice dederint nomen. Praeterea nonnullas alias Indulgentias, motu proprio, largitus est sub die 6 mensis Septembris anni 1898.

XII. Praedictarum omnium Indulgentiarum summarium hoc est:

1° Omnibus et singulis pio Sodalitio adscriptis extra Urbem degentibus, qui, iuxta ipsius Sodalitii instituta, in sua quisque regione, quamlibet Ecclesiam devote visitaverint, in qua Sacramentum Augustum asservatur, et coram Ipso per mediam circiter horam oraverint, dummodo reliquae pietatis iniuncta opera praestiterint, consequuntur quotidie omnes et singulas Indulgentias, peccatorum remissiones et poenitentiarum relaxationes, quas consequerentur si adessent Orationi Quudraginta Horarum iisdem diebus in Ecclesiis Urbis (Breve 6 Martii 1883), idest: Indulgentiam Plenariam, si vere poenitentes, confessi ac sacra communione refecti per dimidiam circiter horam, ut supra, coram SSmo Sacramento oraverint; — Indulgentiam decem annorum et totidem quadragenarum, quotiescumque vere poenitentes, cum firmo proposito confitendi, aliquam Ecclesiam visitaverint et per aliquod tempus coram SSmo Sacramento pias preces effuderint (Breve ut supra).

2° Adscriptis pio Sodalitio in Urbe existentibus, qui vere poenitentes, confessi atque Sacra Communione refecti, qualibet hebdomada, die per praesentia Statua ipsis designato, vel etiam alio die, quatenus legitime impediti fuerint, per dimidiam circiter horam SSmum Sacramentum adoraverint in Urbis Ecclesiis, in quibus fit Quadraginta Horarum oratio, praeter Indulgentias Quadraginta Horarum, conceditur:

Indulgentia Plenaria semel in singulis per annum mensibus, uno die cuiusque eorum arbitrio sibi eligendo (Breve 6 Martii 1883).

Iisdem adscriptis pio Sodalitio Romae existentibus. qui singulis hebdomadis, statuta die, vel alia, quatenus impediti ut supra, dimidiam circiter horam adorationis peregerint in Ecclesia S. Ioachimi in Urbe coram SSmo exposito, SSmus Dims Noster Leo Papa XIII. motu proprio, sub die 6 mensis Septembris anni 1898. concessit omnes et singulas Indulgentias, quas consequerentur, si id praestarent in Ecclesiis Urbis, in quibus fit oratio Quagraginta Horarum.

3° Praetera, sub eadem die (5 Septembris 1898. Sanctitas Sua concessit Indulgentiam septem annorum et totidem quadragenarum omnibus Christifideli- bus quotiescumque devote adstiterint in eadem Ecclesia S. Ioachimi cuilibet ex piis actibus in num. VIII. praesentium Statutorum expressis. Concessit denique idem