Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
11 SSmus Dnus Noster Leo Papa XIII. in perpetuum Indulgentiam Plenariam omnibus Ghristificlelibus in die festo S. Ioachimi, dummodo poenitentes, confessi et sacra Communione refecti, visitent ecclesiam S. Ioachimi in Urbe, ibique orent pro Ecclesiae catholicae exaltatione et ad mentem Summi Pontificis (6 Septembris 1898). Omnes et singulae supramemoratae Indulgentiae sunt defunctis applicabiles. SSmus Dnus Noster Leo PP. XIII. qui in suo Motu Proprio sub die 20 Iulii huius decurrentis anni iam edixerat se opportune perlaturum leges, ad quarum normam regeretur pium Sodalitium sub titulo ad Adoratione Reparatrice Gentium Catholicarum, in Ecclesia S. Ioachimi de Urbe canonice erectum, in Audientia habita die 6 Septembris 1898. ab infrascripto Card. Praefecto S. Congnis Indulgentiis Sacrisque Reliquiis praepositae, audita relatione de Statutis pro memorato pio Sodalitio, ex iussu eiusdem Sanctitatis Suae elaboratis, mandavit, ut per Rescriptum praefatae S. Congnis memorata Statua adprobarentur, una cum eisdem adnexo Summario omnium Indulgentiarum, quibus idem pium Sodalitium ab eadem Sanctitate Sua huc usque ditatum tuit. Quapropter eadem S. Congregatio, mandato SSmi obtemperans, per praesens Rescriptum Statuta dicti Sodalitii, uti prostant in superiori schemate, adprobat et servanda praecipit ab universis eidem Sodalitio adscriptis et in posterum adsribendis: item et praedictum Summarium, nunc primum ex documentis excerptum, uti authenticum recognoscit siinulque typis mandari permittit. Contrariis non obstantibus quibuscumque. Datum Romae ex Secretaria eiusdem S. Congnis die 19. Septembris 1898. Fr. HIERONYMUS M.a Card. GOTTI, Praefectus. L. f S. Pro Rmo. P. Rno ANT. Archiep. Antiimén. Secretario IOSEPHUS M. Canonicus COSELLI, Substitutus. VENERABILIBVS FBATRIBVS ARCHIEPISCOPIS ET EPISCOPIS EX AMERICA LATINA LEO PP. XIII. VENERABILES FRATRES SALVTEM ET APOSTOLICAM BENEDICTIONEM. Cum diuturnum recolimus Pontificatus Nostri cursum, nihil unquam praetermisisse videmur, quod ad constabiliendum in istis gentibus promovendumque Christi regnum pertineret. Rerum quidem, quas Deo opitulante adhuc vestra causa gessimus, manet apud vos memoria et gratia, Venerabiles Fratres; quorum navitati diligentiaeque illa providentiae Nostrae officia haud frustra commendavimus. — Nunc vero Nostri erga vos animi novum extare documentum volumus; id quod iamdiu Nobis in optatis fuit. Etenim ex quo tempore saecularia sollemnia agebantur quartum ob memoriam detectae Americae, sedulo cogitare coepimus, qua potissimum via communibus rationibus latini nominis, novum orbem plus dimidia parte obtinentis, prospicere Nr. 617. Eposcopi Americae Latinae Romam vocantur in concilium.
