Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XXIII.

183

XXIII

Iam vos, qui prisco neutiquam mutato nomine, iidem una mecum estis et fidei cultores et patriae amatores, noveritis omnes, semel siquidem ac iterum datis docuimus litteris, opiferae Virginis Deiparae cultum, arctam habere cum memoria primordiorum regni hortique huius Mariani et propagatione fidei in patria cliristianae coniunctionem, quam tota Gentis historia clamat, Annales referunt nostri atque singularis, beato iam protoregi avitisque patribus solemnis nuncupatio: Magnae Hunga- rorum Dominae commendat.

Veneranda cultus amplissimi vetustas, ex ingenito nationis genio ortum ducens, laus nostra quum sit plane singularis eaque domestica, eius praeclara ornamenta, ne senescente fors gentis vita praeteritorum iucundior et gratior penitus evanescat memoria, visum est undique in unum velut cumulum coniicere, positoque monumento aere perenniori ad seras usque posteritates transferre.

Quam ob rem, statim atque millesimum patriae natalem laetis auspice Deo ominibus celebrare aggressi sumus, porrectis Beatissimo Patri supplicibus, votis cupidius institimus pro concessione festi B. M. V. sub nuncupatione Magnae Hungarorum Dominae, unaque pro approbatione congruentis Officii cum Missa propria, a nobis Sedi Apostolicae exhibitorum. Votorum quod erat meta et in quo cogitationes tam- diu sunt versatae, id tandem summo Divinae clementiae munere atque ex speciali gratia optimaque Sanctissimi Domini Leonis P. P. XIII. in gentem nostram voluntate, consecuti sumus atque impetrasse laetamur. Justae profecto laetitiae causa est, quippe opiferam Virginem Immaculatam, cuius ductu et auspicio immanes hostes, saluti patriae ac civium incolumitati minitantes, saepe fracti fusique sunt, regnum in libertatem vindicatum, solemnesque triumphi habiti, amodo non in privatis colloquiis tantum et devotionibus praedicabimus ut Patronam, verum more quoque litur- gico celebrabimus in templis ut Magnam Dominam.

Decet procul dubio, ut, quod avitorum Patrum fide viva et Maiorum virtute operosa clarescentium exemplo insistentes fecimus in focis, idem maiori adhuc alacritate, irremisso studio ac velut renascente priscae pietatis Marianae ardore, faciamus

30

Nr. 4357.

De festo B. M. V. Magnae Hungaroium Dominae celebrando.