Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XX.
148 recurrere anniversarium vigesimum quintum, ex quo b. Joseph patronus praecipuus Ecclesiae Catholicae fuerit declaratus et congrua simul hortatione invitetur ad peculiares in honorem tanti Patroni peragenda privatim pietatis exercitia ; 2. in unaquaque huius Adioeceseos ecclesia, ubi quotidie sacrum fieri solet, tota secunda hebdomade Adventus per sex continuos dies feriales post Missam sub Aurora toto Adventus tempore celebrari solitam, recitetur flexis genibus oratio ; vAd Te b. Joseph“ ; 3. 15 Decembris seu Dominica III. Adventus, — materiam apte suppeditantibus Rescriptis Apostolicis d. d. 8 Dec. 1870 et 7 Julii 1871, Encyclicis Papae Leonis XIII. d. d. 15. Aug. 1889 ac denique Litteris in forma Brevis d. d. 14 Junii 1892 — instituatur sermo de cultu in maius provehendo ac late propagando, aeque ac de potentissimo s. Joseph patrocinio ; quo ad concionem dicto, recitetur oratio ut supra ; 4. Eadem Dominica III. Adventus in ecclesiis cathedrali, collegiatis necnon aliis ubi plures sunt sacerdotes, celebrari poterit Missa votiva solemnis de patrocinio s. Joseph {Adiutor et protector) prout habetur in corpore Missalis Romani, fine mensis Aprilis, cum Gl. orat, un Cr. Praef. B. M. V. „et Te in concept, immaculata“, Ite Missa est, — ult. Ev. s. Joannis, coi. alb. Ubi vero unicus est, qui celebrat parochus, dicat Missam prout in Directorio eadem Dominica notatur, cum tertia oratione de s. Joseph; 5. In omnibus missis privatis seu lectis, de officio currenti celebrandis, fiat commemoratio patrocinii s. Joseph, desumpta collecta ex Missa prout supra. Nr. 5620. EX REGESTIS S. R C. Jubilaeum patronatus s. Iosephi. Rmus Dom. Dom. Valerianus Sebastiani ex Praelatis Romanis, qui Comitatui praeest pro festis iubilaribus S. Ioseph Ecclesiae catholicae Patroni in Urbe instituto, a Summo Pontifice Leone XIII benedicto, sub protectione et directione Emi Card. Parocchi Sanctitatis Suae vices agentis, ab Eadem Sanctitate Sua humiliter postulavit: ut Dominica tertia Adventus vertentis anni, quinto ac vicesimo redeunte, a primo quo inclytus Patriarcha totius catholici Orbis declaratus fuit Patronus, solemnia Missarum in illius honorem decantari possent in omnibus Ecclesiis, in quibus antea aliqua praemittatur per analogas preces praeparatio. Haec autem consistit in aliquibus piis exercitiis, aut per septem hebdomadas continuatis in singulis quartis feriis uniuscuiusque hebdomadae, aut per sacrum novendiale, aut saltem per solemne triduum. Petiit insuper praedictus Orator, ut in omnibus Missis privatis, quae in omnibus singulisque Ecclesiis celebrantur, fieri possit eadem Dominica s. dicti Patroni commemoratio. Supplici libello sequenti Decreto responsum est: URBIS ET ORBIS. SSmus Dominus Noster, has preces ab infrascripto Sacrorum Rituum Congnis Secretario relatas, et amplissimo commendationis officio Emi et Rmi Domini Cardinalis in Urbe Vicarii communitas peramanter excipiens, benigne indulgere dignatus est:
