Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XX.

149

I. Ut Dominica tertia sacri Adventus, hoc anno tantum, in cunctis Urbis et Orbis Ecclesiis, ubi pia exercitia in precibus enuntiata peragentur, unica Missa votiva solemnis de Patrocinio S. Iosepb, Deiparae Virginis Sponsi, cum Gloria et Credo cantari valeat; dummodo non occurrat Duplex primae classis, neque omittatur Missa Conventualis aut Parochialis, Officio diei respondens, ubi onus adsit eam celebrandi.

II. Ut memorata Dominica in singulis Missis lectis ubique terrarum, non occurrente duplici primae classis, addatur Commemoratio eiusdem S. Ioseph per orationes ex Missa Patrocinii desumptas, servatis Rubricis. Contrariis non obstantibus quibuscumque.

Die 12 Augusti 1895.

CAI. Card. ALOISI-MASELLA S. R. C. Praef.

L. f S. Aloisius Tripepi, Secret.

S. IACOBI DE CHILE.

Nr. 5621.

Diversa dubia resoluta.

Marianus Casanova Archiepiscopus S. Iacobi de Chile Sacrae Rituum Congregationi humiliter exposuit, per Decretum ab Ipsa editum die 16 Martii 1861, plures usus ritualibus Ecclesiae legibus adversos et praetextu longaevae consuetudinis retentos, e sua Archidioecesi ac praesertim ab Ecclesia Metropolitana fuisse sublatos. Quum tamen ad Rmum Capitulum Metropolitanum unus Archiepiscopus et duo Episcopi titulares pertineant, aliquando dubia exoriuntur circa eorum iura ac privilegia. Hinc idem obsequentissimus Archiepiscopus ab eadem Sacra Rituum Congregatione sequentium. Dubiorum solutionem efflagitavit; nimirum:

1. ° An crux Archiepiscopalis possit esse duplici hasta tansversali ac parallela cum alia verticali composita?

2. ° An Archiepiscopi uti possint chirothecis quum ad Ecclesiam accedunt vel ab ea recedunt ante et post Missam Pontificalem?

3. ° Utrum Archiepiscopus Missam celebraturus supra planétam gestare queat crucem pectoralem?

4. ° An in aliena Dioecesi Episcopi suffraganei et titulares mozetta uti possint?

5. ° Et adhibere Cappam Pontificalem?

6. ° An iidem pariter in aliena Dioecesi baculum pastoralem deferre valeant?

7. ° Atque solemniter celebrantes sedere in sede Archiepiscopi vel Episcopi propria seu in throno, cum sola ipsius loci Ordinarii licentia?

8. ° Ac tandem adhibere biretum doctorale cum quatuor apicibus, quod sit coloris violacei, cum flosculo et funiculis rubri coloris?

9. ° Canonici, etsi dignitate episcopali insigniti sunt, debent ne associare Archiepiscopum cappa magna indutum ad Metropolitanam Ecclesiam accedentem, sive ut Missam Pontificalem celebret, sive ut Missae ab alio celebrandae assistat?

Et Sacra eadem Congregatio, referente subscripto Secretario, exquisito voto alterius ex Apostolicarum Caeremoniarum Magistris, omnibusque rite perpensis, rescribendum censuit:

Ad I Dilata.

Ad II et III Negative, iuxta Caerem. Episcoporum et Decreta.