Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVIII.
133 XVIII. Redeunte mense Octobri, Dominae nostrae ac Reginae sacratissimi Rosarii, decernente S. S. D. N. Leone P. P. XIII. gloriosissime regnante, sacro dicatoque ac inde iam ab annis maxime sollemni, in dubiis hisce, quibus defungimur temporibus trepidisque rebus, necesse est Venerabiles Fratres, cum ad propulsanda mala, quibus premimur, conterendosque hostes vires nostrae haud sufficiant, in humanis rebus vero nullum remedium reperiamus, necesse est inquam ibi quaerere levamen ac medicamen, haurire solatium ac robur, impetrare auxilium ac praesidium, ubi haec eadem Auctoris fidei Jesu Christi in terris Vicarius, Caput Ecclesiae suo exemplo et hortatione singulari, quaerenda, reperienda, haurienda impetrandaque proponit ac urget: in fervida nempe oratione et obsecratione baud intermissa Quoniam vero teste eodem Summo Pontifice — qui Lumen in coelo merito vocatur — inter precationum formulas nulla est efficacior, nulla magis Deo accepta, quam preces Rosarii B. M. V. „cuius virtutem christianus populus numquam sibi non saluberrimam sensit,“ (Leo XIII. 8. Sept. 1894.) : nulla Eidem primaevae labis experti Virgini, almae Dei Matri tam beneplacita : nulla populum cliristianum tantopere decens : nulla Hungaris innata magis ac baereditaria, per integrum mensem Octobrem, proxime ineuntem, praemonente sua hortatione Matre Ecclesia et anhele desiderante Romano Pontifice „ Sanctissimam Dei Genitricem cultu hoc eidem gratissimo veneremur: ut, quae toties Christi fidelibus terrenos hostes profiigare dedit ac perdere“ (Lect. VI. in Brev.) protegat suo patrocinio Ecclesiam ac patriam „a conventu malignantium et a multitudine operantium iniquitatem.“ (Psalm. 53. 3.) Quod sane exorata per Rosarii preces Virgo Augusta nobis quoque afflictis praestabit, quae potens est et benigna sufficientem a Jesu Christo filio suo impetrare opem atque virtutem. Interea sint nobis incitamento in colenda assidue Dei Matre alma, Consolatrice afflictorum, Auxiliatrice Christianorum ac praepotenti Patrona nostra, non tantum Capitis Ecclesiae quotannis instante mense Octobri repetita ac currenti quoque anno addita hortamenta, verum etiam exempla devotionis ac religionis in Eam domestica, eaque longo aetatum cursu et multa et praeclara, ex quibus regnum Hungáriáé iure meritoque vindicat sibi nomen pariter ac epitheton ornans Mariani. Notum siquidem est omnibus Protoregem, divum Stephanum, totum suum regnum coronam que speciali B. M. V. patrocinio commendasse ; neque latet gentem nostram Eidem Deiparae semper fuisse devotam ac Eandem Magnam suam Dominam habuisse ac appellasse. 25 Nr. 5132. Cardinalis de cultu B. M. V. Magnae Hun- garorum Dominae.
