Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XVII.

8

matriculae copulatorum infertur, facta in libro praefato adnotatione, partes tunc et ibi ecclesiastice copulatas esse.

Prole ex coniunctione mere civili nata baptisata, in matricula baptisatorum rubricae : „legitimus, illegitimus“ vacuae relinquuutur atque in rubrica observationum connotatur, parentes prolis tunc et ibi solummodo civiliter conjunctos esse.

Si in tali casu litterae baptismales edendae erunt, parochus non utetur exemplaribus typis procusis, sed scribet testimonium, in quo provocando ad tomum, paginam et numerum currentem matriculae baptisatorum, fidem faciet prolem N. parentum N. N. civiliter solummodo junctorum tunc et ibi baptisatam fuisse levantibus N. N. baptisante N.

Insereudo matriculae defunctorum casus mortis1) personarum civiliter tantum junctarum vel earum prolium, hujus conjunctionis civilis semper mentio facienda erit; sic exempli gratia N. N. mercator, civiliter junctus feminae N. vel: N. N. ex civili solummodo coniunctione vidua N. N; vel: N. N. filius civili tantum coniunctione junctorum N. N. et N. N.

6. Prout pro consignandis coniunctionibus mere civilibus parochus peculiarem habebit librum, ita aeque in speciali libro connotabit proles, quae ad baptismum non obstantibus monitionibus eiusdem allatae non sunt. Data tales proles concernentia sibi secus non nota aeque ex matricula officialis civilis desumet.

7. Annue a quovis parocho et parochiae administratore exarandus erit et per vicearchidiaconum Ordinariatui substernendus tabellaris conspectus, qui continebit: a) numerum matrimoniorum catholicorum in parochia contractorum; b) numerum matrimoniorum mixtorum «) in ecclesia catholica, ß) in oratorio acatholico celebratorum ; c) numerum conjunctionum mere civilium ; d) numerum prolium «) baptisa- tarum, ß) non baptisatarum.

Dubio caret, mutationem, quam lex nova quoad matrimonium contrahendum inducit, in quantum omnes sponsos ad sistendum semet coram officiali civili obligat, perniciosas pro salute fidelium consequentias habere posse. Venerabilis Clerus noster curatus suapte perspiciet, exinde in ipsum manantem gravissimam obligationem, prudenti semper studio et benevolo zelo pastorali eo adnitendi, ut ex nova institutione quo minimum damni spiritualis in fideles curae suae concreditos dimanet. Si unquam, his calamitosis temporibus, pastor suorum fidelium amorem et fiduciam sibi conciliet necesse est; quod si sibi successerit, adiuvante sancta Dei gratia succedet eidem etiam omnes sponsos permovere, ut postquam coram officiali civili lege praescripta peregerint, quae ad valorem civilem sui matrimonii necessaria, semper in ecclesia se sistant fine eo, ut verum, coram Deo et Ecclesia validum matrimonium ineant.

Fiduciam fovemus firmam Clerum nostrum curatum, nupturientibus pauperibus omnem ademturum praetextum copulationem ecclesiasticam ideo negligendi, quia impares sunt stolarem consuetam taxam dependere. Hinc nec necessum existimamus peculiariter commendare Clero, ut spectata rerum conditione mutata hoc in merito semper semet benevolum et liberalem exhibeat. *)

*) Vide 1894. 33. t.-cz. 73. §. A haláleset (polgári) anyakönyvi bejegyzése előtt a temetés csak a községi elöljáróság kivételes (Írásbeli) engedélyével történhetik^ meg.