Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
X.
83 Tu forma nobis a Christo proposita, qui totius Dominici gregis suscipiens custodiam, nullum defugis laborem, nulla recusas incommoda, paratus glorioso Tuorum Decessorum exemplo et sanguinem Tuum fundere pro Christi honore, pro Ecclesiae iuribus, pro salute eorum, quos pascendos susceperas. Praefulgens Tuum imitabimur exemplum, conatu fatigari nescio, in cunctis crediti nobis Tua dispensatione muneris partibus. Memoresque paternorum monitorum, quae in quinquagenariis Sacerdotii Tui solemniis episcopis dederas Hungáriáé, sic pergemus in provehenda populi salute strenue versari, ut labore industriaque nostra christianis quotidie laudibus ornatior constanter floreat Hungária. Accipe Beatissime Pater his in Tuis solemniis et piissima nostra, filiorum Tuorum, vota. Extendat Deus misericors gloriosi Tui regiminis tempora, abbreviet afflictionis Tuae dies; largiatur propitius, ut obstacula amoveantur, quae plenam ministerii Tui libertatem impediunt, ut libere ac expedite potestate a Christo collata ad aeternam populorum salutem uti possis. Largiatur Deus misericordiarum cunctis Tuis Apostolicis laboribus optatos effectus. Videas Ecclesiae, tantis iactatae procellis, dignitati auctoritatique auctum in dies tribui honorem, auctum que in dies Tuae Sedi obsequium. Videas, quos dudum vox Tua invitat, reduci, reconciliari infensos et devios ; videas saeculum hoc, mutatis consiliis, et privatim et publice remigrare ad Je- sum Christum, christianamque vivendi viam. Haec piissima nostra vota ut propitius respiciat, misericordiarum Patrem supplicibus precibus enixe obsecramus, per Eam, in qua totius boni posuit plenitudinem, Beatam Virginem Mariam, Magnam Nostram Dominam, Christianorum Auxilium. Accipe Beatissime Pater benigne haec, quae in venerandis Tuis solemniis testata voluimus, Tuorum filiorum, pietatis amorisque devotissima obsequia, et benedic augusto Regi nostro, augustaeque domui, benedic nobis nostroque clei’o et populo, benedic toti qua late patet Hungáriáé! Beatitudinis Tuae humillimi et devotissimi filii et servi. Responsum Suae Sanctitatis: Adfuit Nobis non ita pridem pium ex Hungária peregrinandum agmen, Csanadensi Antistite duce. Is a Nobis discedens certam spem ostendit alios subinde adfore Nobis ex eadem regione fideles, quos excitura esset civium regrediendum vox et paris erga Nos pietatis aemulatio. Neque Nos egregii Praesulis promissio fefellit: ecce enim, ipso praeeunte Hungáriáé Primate, alios atque alios indidem profectos hic cernimus eo studio eaque frequentia, quae vix Nobis speranda fuerat si primum atque unum agmen vestrum hoc anno gratulatum Nobis Hungária misisset. Neque absimilis ab ea quam in fratribus vestris dileximus enituit in vobis filialis erga Nos pietas et observantia. Quippe hanc dilucide testatam fecit, dilecte Fili Noster, nobilis oratio tua, qua complexus ea quae gerenda censuimus in commune bonum, ceu ratio poscebat ministerii Nostri, pia nuncupabas vota ut Deus adhuc Nos sospitet diu et certamini quod obimus pro Domo Dei laetos det exitus et fructus victoriae. Equidem dum tecum meritas summo Deo gratias agimus pro iis quibus gerendis lumen praebuit Nobis sutfecitque vires, aequum esse intelliginms, ut votis vestris quae filialis expressit amor, paria hinc a Nobis vota respondeant paterno nomine et caritate digna.
