Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
X.
81 Die 25. curr. aci conspectum Beatissimi Patris admissus in solenmi audientia honorificum et peramoenum mihi obtigit munus Suae Sanctitati praesentandi tertiam peregrinationem Hungaricam, quae ad limina Apostolorum concessit, ut coram Summo Pontifice, quinquagenaria Episcopalis dignitatis celebrante fidelem suam pietatem, charitatem, adhaesionem et reverentiam coram contestetur, optimaque vota, tam suo, quam reliquorum Hungáriáé catholicorum nomine nuncupet. In peregrinatione hac praeter plures DD. Archipraesules Hungáriáé partem ceperunt multi e Clero tam saeculari, quam regulari, insuper copiosi omnis conditionis et utriusque sexus fideles. Ut peregrinationis istius memoria in Archi-Dioecesi conservetur, Annalibus illius seu Circularibus Dioecesanis litteris inferendam disposui solemnem illam allocutionem, quam occasione ista, tam Venerabilis chori Episcoporum Hungáriáé, quam fidelium nomine ad Beatissimum Patrem dirigere licuit, quam acceptum etiam a Sua Sanctitate responsum : Beatissime Pater! Quum festivos inter totius orbis plausus, insignibus stipatus ovium agnorumque, quos pascendos susceperas, amoris pietatisque studiis, quinquagenaria suscepti ordinis episcopalis agis solemnia, episcopi Hungáriáé, in hoc voluntario admirabilique animorum concentu, invicta, quam a Rege Suo Apostolo velut haereditate accepere in Sanctam Principis Apostolorum Sedem fidelitate, ad beatos Tuos venerabundi laetabundique provoluti pedes, suum imo de pectore depromtum Sanctitati Tuae testantur filiale homagium, piissimaque aperiunt vota. In veneranda hac natalis Tui festivitate, quae perseverentiam dat gaudiorum, spiritali iucunditate laetantes et exultantes in Domino avente Te, monenteque magno illo Tuo, cuius et potestatis et nominis et gloifiaeque haeres existis, Decessore, in primis omnem causam et rationem solemnium Tuorum ad originem suam caputque referimus et Illum debita gratiarum actione laudamus, in Cuius manu et gradus officiorum et momenta sunt temporum. Gratias agimus Largitori Servatorique vitae Domino, qui gloriosum illum Tibi fecit diem, eoque specimen et decus contulit orbi terrarum, solamen atque laetitiam gregis Christi ovibus et agnis. Gratias agimus, Deo et Domino Nostro Jesu Christo, qui Te in longe difficili hac temporum conditione, ad supremum Apostolatus vocans apicem, per Te, potestatis dilectionisque Suae Vicarium, tanta voluit Tua dispensatione in Sanctam Suam Ecclesiam derivari bona, quorum in Tui natalis solemniis iucundissima recurrit memoria. Ad totius Ecclesiae vocatus gubernacula quemadmodum ille, cuius gloriosam sanctamque tenes Sedem, turbulentissimae profunditatis ingrediebaris Oceanum. Nr. 3396. Salutatio Beatissimi Patris Eiusque responsum.
