Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
XXV.
167 Habebit vero S. Sedes AEppalis Bndapestiensis proprium Notarium; porro proprium vinculi matrimonialis et religiosae professionis defensorem, subin fiscum con- sistorialem, porro advocatum pauperum et medicos consistoriales, quos omnes nominandi potestatem Nobis successoribusque Nostris reservamus. Quum porro tota ordinaria Episcopi jurisdictio, Sede Episcopali vacante ad Capitulum Catbedrale transeat, ita, ut Capitulum ullam hujus jurisdictionis partem sibi retinere vel praeter Vicarium Capitularem in alium transferre queat, relatio trium Vicariatuum ad invicem tempore sedis AEppalis vacantis, prae oculis habita hacce iuris canonici dispositione, prono fuit alveo et omnino clara est et manifesta. Deligendus Vicarius Capitularis, quin ipsi stabilitum pro utroque Vicariatu territorium immutare liceret, quum penes illum solum resideat jurisdictio ordinaria ad totam se extendens ADioecesim, necessarias et opportunas communicabit cum utroque Vicario tam Tirnaviensi, quam Budapestiensi facultates, qui subordinati Vicario Capitulari bisque facultatibus praediti, qua Vicarii Districtuales administrabunt creditos curae suae Districtus. Amplitudinem harum facultatum determinare spectabit ad Vicarium Capitularem, qui si ita placuerit, normae adinstar adbibere poterit Statutum V. Visitationis Capitularis a Praedecessore Nostro Joanne Cardinale Scitovszky peractae agens „de Vicariatu vacante Sede Archi-Episcopali.“ Statutum hocce post novam Vicariatuum factam a Nobis in praesentibus coordinationem non amplius quidem obligabit, sed cynosurae instar per Vicarium Capitularem in dandis Vicariis Tirnaviensi et Budapestiensi facultatibus inservire poterit. Pari modo in quibus Decretum hocce Decreto erectionis Vicariatus Tirnaviensis derogat, in illis isti Decreto derogatum habere volumus. Ceterum vero disponimus, volumus et mandamus, ut quae in Decreto hocce erectionis seu coordinationis Vicariatuum statuta ac decreta a Nobis sunt, ab omnibus, ad quos pertinet, sancte et conscientiose observentur, omnes huius ADioecesis Sacerdotes tam saeculares, quam regulares, et omnes fideles constituendos a Nobis Vicarios Generalem et AEpiscopales ceu tales agnoscant, iis debitam obedientiam et reverentiam exhibeant,, talique ratione omnia cedant in honorem et gloriam Dei, ADioecesis Nostrae Strigoniensis emolumentum atque in crediti Nobis populi fidelis salutem sempiternam. In quorum fidem dedimus lias sigillo subscriptionibusque Nostris munitas litteras in quatuor exemplaribus, quorum unum in archivo Primatiali, alterum in Capitulari, tertium in archivo Vicariatus AEpiscopalis Tirnaviensis, quartum in Vicariatu Budapestiensi conservanda disponimus. Datum Budapestini, die 15-a Decembris 1892. Claudius m. p. L. S. Ad b. mandatum: Dr. Joannes Csernoch, m. p. E. M. S. Canonicus Cancellariae Director. Ad exigentiam praemissi jam Decreti erectionalis Vicarium Generalem nominavi Illmum ac Rssimum Dnum Stephanum Majer el. Eppum et Praepositum Majorem Ven. Capituli E. M. Strigoniensis de jurisdictione illius ope sequentis Decreti disponendo:
