Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
XXV.
168 VENERABILI FRATRI ILLUSTRISSIMO AC REVERENDISSIMO DOMINO STEPHANO MA JER, ELECTO EPISCOPO STAGNENSI, SUAE SANCTITATIS SUMMI PONTIFICIS PRAELATO DOMESTICO, ABBATI S. BENEDICTI PROPE STRIGONIUM, E. M. S. PRAEPOSITO MAIORI ET CANONICO, PROSYNO- DALIS EXAMINATORII PRAESIDI, CENSORI DIOECESANO, DOMUS REGNI PROCERUM MEMBRO, INS. ORD. LEOPOLDI IMP. CORONAE ITEM FERREAE III. CLASSIS EQUITI, SECT. SCIENT. ET LITTERARIAE SOC. S. STEPHANI MEMBRO, CIV. STRIGON. CIVI AD HONORES, SS. THEOLOGIAE DOCTOR1 COLLEGIATO, SACERDOTI JUBILARI TN ANNUM SEPTIMUM ETC. ETC. ETC. Salutem in Domino Sempiternam! Quum per erectionem Vicariatus Arclii-Episcopalis Budapestiensis nova coordinatio Vicariatuum huius Arclii-Dioecesis necessaria evaserit Nosque hanc ope Decreti ddto 15, curr. Nr. 6705. editi, praesusceperimus, nunc in sequelam huius coordinationis de constituendo pro A.-Dioecesi Strigoniensi Vicario Generali cogitantes illico mentis Nostrae aciem convertimus ad Venerabilem Fraternitatem Vestram, quae iam hucusque in gravissimo hocce munere, tam praedecessori Nostro quam Nobis et ita integrae A.-Dioecesi Strigoniensi plurima et saluberrima praestitit servitia. Hac de causa etiam post factam Vicariatuum coordinationem Venerabilem Fraternitatem Vestram Vicarium Nostrum et Causarum Auditorem Generalem nominamus, constituimus et deputamus, praeter datas Eidem Fraternitati Vestrae sub 12. Februarii a. 1892. Facultates omnem illam in Archi-Dioecesi jurisdictionem impertientes Fraternitati Vestrae, quae ad officium Vicarii Generalis de iure et de consuetudine noscitur pertinere. Volumus autem, ut Venerabilem Fraternitatem Vestram qua Vicarium Nostrum Generalem omnes jurisdictioni Nostrae subjecti recognoscant, respiciant, atque ut par est Eidem obediant, si quis vero inobediens fuerit condigna poena puniatur. In quorum fidem dedimus has subscriptione sigilloque Nostris munitas litteras. Datum Budapestini, die 21-a Decembris 1892. Claudius m. p. Ad b. mandatum: Dr. Joannes Csernoch, E. M. S. Canonicus, Caucellariae Director. Decretum jurisdictionis Illmi ac Rssimi Domini Vicarii Tirnaviensis publicatum fuit in Circularibus Dioecesanis Litteris a. c. sub. Nr. 870. Hoc illam tantum subivit mutationem, quod causas matrimoniales, in quibus Episcopus propria auctoritate non dispensat, sed debet dispensationem a Summo Pontifice petere mihi et respective Vicario Generali Strigoniensi pertractandas reservaverim, ideo quia rescripta Aposto- lica ad Ordinarium directa per hunc vel per Vicarium Generalem executioni mandari debent. Subdelegavi vero Illmo ac Rssimo Domino Vicario Tirnaviensi facultatem dispensandi urgente mortis periculo de qua sermo est in Circularibus Dioecesanis litteris sub 16-a Maji 1888. Nr. 2606. publicatis. Decretum vero Illmi ac Rssimi Domini Vicarii Archi-Episcopalis Budapestiensis est sequentis tenoris :
