Circulares litterae dioecesanae anno 1887 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVII.
132 et gloriae lesu Christi redemptoris nostri, eiusque intemeratae Matris; ad hanc succrescentem pietatem magis fovendam, et ad publicae venerationis incrementum, quod iam pluribus particularibus Ecclesiis concessit, solemnitatem praedictam et officium Deiparae a Rosario primae Octobris Dominicae adsignatum, ecclesiastico ritu duplici secundae classis in universa Ecclesia in posterum celebrari mandavit, ita ut non possit transferri ad alium diem, nisi occurrente officio potioris ritus : servatis Rubricis. Contrariis non obstantibus quibuscumque. De hisce autem praesens praefatae Sacrorum Rituum Congregationis Decretum expediri iussit. Die 11 Septembris anni MDCCCLXXXVII, Sanctissimo Mariae Nomini sacra. L. f S. D. CARDINALIS BARTOLIN1US 5. R. C. Praefectus. LAURENTIUS SALVATI 5. G R. Secretarius. E praemisso Decreto discimus, quod SSmi Dni Nostri piissimis votis, studiis et monitis, eo scopo, ut Eiusdem Encyclicae perhibent, ad populum catholicum directis, ut pietatem fiduciam que nostram erga magnam Dei Matrem per frequentem Rosarii recitationem ostenderemus comprobaremusque, optatus responderit effectus. Quandoquidem pietas ac devotio erga beatissimam Deiparam Virginem in gentibus Christianis revixerit, manifesto indicio, quod Summi Pontificis verba adinstar seminis in terram bonam cadentis centuplum fecerint fructum, quum alibi prae nimia cor- dium duritie cadentia super petrosa et in spinis, conculcata et suffocata fuerint. — Ob felicem hunc successum laetus Beatissimus Pater enixius nos omnes, Clerum et fidelem populum hortatur et optat, fierique jubet, ut pie coeptis non desistamus, sed illis potius assidue et constanter inhaereamus, i. e. devotionem et cultum Deiparae Virginis recitatione SS. Rosarii continuemus. Quamobrem, quaecunque superioribus annis, ac postremo sub 26. Augusti 1886. de toto mense Octobri Sanctissimae Deiparae Virgini a Rosario dicando decreta fuere, ac praecepta, iterum decernit, praecipit ac concedit. Haec igitur omnia accurate servanda esse in hac etiam Arclii- Dioecesi, suapte sequitur. Quem in finem alias disposita et ordinata relegantur et populo fideli denuncientur. — Discimus item e praemisso decreto, Festum SSmi Rosarii ad dignitatem festi II. classis elevari. Strigonii, die 22-a Septembris, 1887. DECRETUM PLURIUM DIOECESIUM DUBIA VARIA. Nr. 5234. E sacra Congr. Indulgentiarum. E pluribus Dioecesibus ad hanc sacram Congregationem Indulgentiarum et ss. Reliquiarum sequentia dubia dirimenda transmissa sunt: I. Utrum Decretum Alexandri Papae VII diei 6 Februarii 1657, et aliud Decretum s. Congregationis Indulgentiarum et ss. Reliquiarum diei 23 Februarii 1711 sint authentica ? II. An amittant Indulgentias Cruces, Coronae, Rosaria, Statuae etc., quae ante omnem usum, ab una, deinde in aliam, tertiam et quartam quoque manum transierint ?
