Circulares litterae dioecesanae anno 1879. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIV.
92 ut ipsos alloquitur Damascenus, cognoscimini; pie enim et sancte in humana natura vitam agentes filiam Angelis superiorem, et nunc Angelorum Dominam edidistis“ (Or. I. de Virg. Mariae nativ.) Quum itaque filiorum gloria parentes coronet, nil miram, si Ecclesia et a primaevis temporibus praecipuo cultu ac religione prosequuta sit Sanctum Patriarcham Joachim, ejusque beatam conjugem Annam: hos siquidem Ecclesiae Patres insignibus exornarunt laudibus ac penes fideles eo crevit veneratio iis exhibita, ut in ipsorum honorem templa exstructa fuerint et piae Sodalitates erectae. Immo et Christiani Principes non semel supplicibus votis institerunt apud Romanos Pontifices, ut solemniori cultu Sancti Deiparae Parentes honorarentur. Piissimis votis libenti animo Romani Pontifices annueruut, validissimum rati eorumdem fore patrocinium apud Deum et potissimum per eorum filiam Caeli Reginam, cultum a Christifidelibus tributum non modo sua auctoritate firmaverunt, verum etiam peculiaribus privilegiis condecorarunt. Quoniam vero hisce luctuosissimis temporibus divina misericordia factum est, ut quo magis Christianus populus divino auxilio atque caelesti solamine indigeret, eo amplioribus clarificata sit honoribus Beatissima Virgo Maria, atque ipsius cultus nova incrementa acceperit: hinc novus splendor ac recens gloria, qua beatissima filia refulsit, et in felicissimos parentes redundaret oportuit. Quare pluribus in Dioecesibus, Sede Apostolica annuente, horum Sanctorum festa solemniori pompa ac ritu celebrata sunt, ad obtinendam praecipue familiarum concordiam et tranquillitatem; immo non defuere Sacrorum Antistites, qui ejusdem ritus elevationem per universum orbem ab eadem Apostolica Sede haud semel efflagitaverint. Haec autem omnia animo recolens Sanctissimus Dominus Noster LEO Papa XIII., quo suae praesertim devotionis erga Sanctum Joachim, cujus nomine ipse gloriatur, et quod Praeparatio Domini interpretatur, conspicuum exhibeat testimonium, confisus fore, ut illius aucto cultu patrocinium quoque validius persentiat Ecclesia, motu proprio mandavit, ut per praesens Decretum Sacrorum Rituum Congregationis Festum Sancti Joachim, Dominica infra Octavam Deiparae Assumptionis occurrens, nec non Festum Sanctae Annae, cum ipso in eodem honore sociatae, diei 26-ae Julii affixum, a ritu duplici majori ad ritum Duplicis secundae Classis eleventur, ac sub tali ritu in Calendario universae Ecclesiae deinceps inscribantur. Die 1 Augusti 1879. Loco f Sigilli. D. CARD. BARTOLINIUS S. R. C. Praefectus. PLACIDUS RALLI S. R. C. Secketabius“. Strigonii, die 17-a Augusti, 1879. Nr. 3902 Decretum, quod refertur ad Arehi- Confraterni- tatem perpetuae adorationis SSmi Sacramenti. S. Congregatio Indulgentiarum, benigne annuente SSmo Domino Nostro, ope subnexi Decreti indulsit, ut. Archi-Confraternitas in Belgio, fine perpetuae adorationis Venerabilis Sacramenti, et pauperioribus Ecclesiis de sacra supellectili providendi coadunata, Romam transferretur, atque cum alia simili Confraternitate, ibidem existente uniretur. Siquidem hunc eumdem piissimum scopum sibi praefigentes iliumque pror
