Circulares litterae dioecesanae anno 1879. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

VI.

39

VI.

Die 24 a futuri mensis Aprilis quinque elabentur lustra, ex quo Augustissimus Dominus et Rex Noster Apostolicus Augustissimam Dominam et Reginam Nostram sacro connubii foedere sibi sociavit. Faustissimi eventus memoriam fideles Monarchiae populi non altiore jussu, sed amoris affectu impulsi, solerani recolere modo, aut benefactis ad posteros etiam derivare decreverunt. Si amori, quo nos liungari in Augustos Nostros flagramus, et intemeratae fidelitati, qua Coronato Capiti sic adhaeremus, ut in proverbium facti simus nationibus ac populis, festivi apparatus praedicta die instituendi haud responderint, id profecto a mira cordis bonitate Suae Majestatis Apostoliéi Nostri Regis repetendum erit, qui, ut novimus, declarare dignatus est, ho( sibi fore gratissimum, si, qui in festivitates anniversarii illius destinabantur sumptus, ir levamen potius ac subsidium illorum concivium nostrorum impendantur, quorum fortunas omnes his ipsis diebus exuberans, imo sic ut vix alias unquam exorbitans Ti biscus undis suis mersit, atque adeo ad incitas redegit. Hac tanta Optimi Principis clementia, quam vere regia in misere afflictos munificentia praecessit, eo potentius incitemur oportet, ut conformiter etiam monito Apostoli ‘) semper quidem, sed illa imprimis anniversaria die fiant a nobis obsecrationes, orationes, postulationes et gratiarum actiones pro Apostolico Nostro Rege, carissimaque eius toriét troni Consorte Regina: et gratiarum actiones quidem, quod Deus, in Cuius manu sunt corda Regum, Coronata Capita Nostra inter varias vitae vicissitudines difficillimis etiam temporibus incolumia servaverit, dulcissimisque conjugalis amoris pignoribus beaverit; obsecrationes, orationes, postulationes vero, ut pretiosissimam Augustissimorum Conjugum vitam porro protegat, tueatur, defendat, atque ad extumos vitae humanae terminos prolonget, eaque Regi nostro dona concedat, quae jam primi Christiani Imperatoribus precati sunt, ni mirum : „vitam prolixam, imperium securum, domum tutam, exercitus fortes, senatum fidelem, populum probum, et quaecunque hominis et Caesaris vota sunt“ 3).

Quam obrem praesentibus dispono, ut die 24-a futuri mensis Aprilis in Ca- thedrali, Collegiatis, omnibusque parochialibus Ecclesiis Missa, qua fieri potuerit so- lemnitate, cum Collecta „pro Rege“ et Hymno Ambrosiano „Te Deum“ decantetur, fideli populo praevie eatenus edocto, et publicis localibus Magistratibus ad culturi divinum invitatis.

Nr. 1470.

De cultu divino celebrando die anniversaria Connubii Suarum Majestatum.

1

i

»

l

i

l

i

i

t

*

i

I

t

1

*) 1. Timoth. 2, 1.

') Tértül. Apologetic. 30-