Circulares litterae dioecesanae anno 1872. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Constitutio Domatica prima de Ecclesia Christi
154 in alio textu) qui in vobis est gregem Dei, providentes.“ Jam vero ipsum Primatum in tali potestate consistere patet ex verbis, quibus ille Petro collatus est a Christo:1) „Pasce agnos meos, pasce oves meas.“ Christus igitur, cum Primatum instituit, idipsum pascendi munus, quod regendi et gubernandi potestatem includere, et ad omnes Christi fideles, ne Apostolis quidem exceptis, se extendere suo loco vidimus, Petro demandavit. Petro et eius successoribus potestas pascendi collata est, talis autem potestas dicitur, et est vere episcopalis. Porro eadem potestas, ut quidem ex verbis Christi liquet, directe et immediate ita collata fuit Petro, ut eam haberet vi impositi officii pastoralis in universum gregem, qui totus ipsi citra aliud medium fuit commissus. „Prius agnos, deinde oves commisit ei: quia non solum pastorem, sed Pastorem pastorum constituit eum,“ ait Eusebius Emiss.2) „Habent illi (Episcopi) sibi assignatos greges, singuli singulos: tibi universi crediti, uni unus. Nec modo ovium, sed et pastorum tu unus omnium pastor. Unde id probem, quaeris ? Ex verbo Domini: Pasce oves meas“, docet 8. Bernardus. 3) Est insuper haec veritas jam in Concilio Florentino declarata his verbis: „Definimus ipsi —Romano Pontifici — in B. Petro pascendi, regendi et gubernandi universalem Ecclesiam a Domino nostro Jesu Christo plenam potestatem traditam esse.“ Hac de causa Romanis Pontificibus a Conciliis ipsis, Patribusque tributi fuere tituli „Episcopi universalis, Pontificis universalis, Episcopi Episcoporum, Pastoris pastorum, Capitis capitum.“ Sane Tertullianus jam vocat Pontificem Maximum Episcopum Episcoporum.4) Synodus Chalcedonensis Leonem saepius appellat: „Sanctissimum et Beatissimum Universalem Archi-Episcopum. “ Constantinus Pogonatus e Synodo Constantinopolitana III. et ipsa Synodus Agathonem Papam appellant: „Universalem Principem pastorum, primaeque Sedis Antistitem universalis Ecclesiae.“ Archimandritae Orientis Hormisdam 5) vocant: „Universi orbis terrae Patriarcham et Caput omnium.“ S. Thecdorus Studita Leonem III. appellat: „Patrem patrum, Archipastorem Ecclesiae, quae sub coelis est, Beatissimum et Apostolicum Papam.“ e) Nulli proinde dubio subjacet, primatialem Romani Pontificis potestatem ex institutione Christi esse episcopalem, immediatam et ordinariam; immediatam, non eo quidem, licet verissimo sensu, quo S. Petrus, uti Capite I. huius Constitutionis dogmaticae docetur, a Christo Domino immediate potestatem accepit, sed hoc sensu, quod eam exercendam immediate in gregem universum obtinuerit. Quod vero ea potestas sit ordinaria, id quidem jam a Concilio Lateranensi IY. definitum, audivimus, quippe quod declaravit, „Romanam Ecclesiam disponente Domino, super omnes alias ordinariae potestatis principatum obtinuisse.“ 6. Quod in Capite- hoc porro declaratur, erga supremam Romani Pontificis potestatem omnes cuiuscunque ritus et dignitatis pastores et fideles, tam singulos seorsim, quam simul omnes officio hierarchicae subordinationis, veraeque obedientiae obstringi, contra eos positum est, qui contenderunt, Episcopos seorsim singulos, seu Ecclesiam dispersam esse infra Pontificem, cuius ille Caput, Princeps est; sed Episcopos omnes simul ad Concilium convocatos, ergo Ecclesiam congregatam, quae secundum illos Ecclesiam universam repraesentat, esse Pontifice superiorem. Quod si verum esset, sequeretur, Ecclesiam 1) Joann. 21. 15—17. — 2) de Natal. Ap. — 3) de Considerat. 1. 2. — 4) libr. de pudicit. — 5) in epist. ad illum. — 6) Vide Observat. 11. ad Caput. II. huius Constit. item Mamacb. 1. cit.
