Circulares litterae dioecesanae anno 1871. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
XVII.
120 per omnia secula reddidit S. Romanam Ecclesiam, quae merito columna et firmamentum veritatis salutatur, ad quam propter potiorem principalitatem omnem oportet convenire Ecclesiam, ad cujus auctoritatem referebantur semper laesiones fidei et omnes injuriae Christi, praesentium scandala et pericula posterorum, ut optime ibi resarcirentur damna fidei, ubi fides nunquam potest sentire defectum. In hunc imprimis finem Christus sibi Vicarium in terris constituit, cujus munus prout religione sanctissimum, ita stabilitate contra superbas inferorum portas coelesti praesidio communitum, nullis seculorum aetatibus interiturum est. Cathedra quippe S. Petri, arx apostoliéi culminis, in qua Dominus inexpugnabile posuit Ecclesiae suae fundamentum, veritatis justiaeque propugnaculum est, ita ütőre episcoporum Romae in unum congregatorum unusquisque nostrum inclamare debeat: „Pontifex tu sanae nobis doctrinae magister, tu unitatis centrum, tu populis lumen indeficiens a divina sapientia praeparatum. Te loquente Petrum audimus, te decernente Christo obtemperamus. En igitur sacerdotii palmare officium, ut mente et corde s. Sedi adhaerentes, in veritate, ad rectissimam doctrinae Christi normam, permaneamus. Plane apparet in quanto errore versentur illi, qui ratione abutentes, ac Dei eloquia, tamquam humanum opus existimantes, proprio arbitrio illa explicare, interpretari temere audent, cum Deus ipse vivam constituerit auctoritatem, quae verum legitimumque coelestis suae revelationis sensum doceret, constabiliret, omnesque controversias in rebus fidei et morum infallibili judicio dirimeret. Quae quidem viva et infallibilis auctoritas in ea tantum viget Ecclesia, quae a Christo Domino supra Petrum, totius Ecclesiae caput, principem et pastorem, cujus fidem nunquam defecturam promisit, aedificata, suos legitimos semper habet pontifices sine intermissione ab ipso Petro ducentes originem in ejus cathedra collocatos, et ejusdem doctrinae, dignitatis, honoris ac potestatis haeredes et vindices. Et quoniam ubi Petrus ibi Ecclesia,.ac Petrus per Romanum Pontificem loquitur, et semper in suis successoribus vivit et judicium exercet, ac praestat quaerentibus fidei veritatem, ideo divina eloquia eo plane sensu sunt accipienda, quem tenuit et tenet haec Romana beatissimi Petri cathedra, quae omnium ecclesiarum mater et magistra fidem a Christo Domini traditam integram inviolatam que semper servavit, eamque fideles edocuit, omnibns ostendens salutis semitam et in- ■ corruptae veritatis doctrinam.“ Testimoniorum prolatorum plurima expresse docent infallibile magisterium Summi Pontificis, alia eamdem aequipollentibus verbis exprimunt doctrinam, dum dicunt, Ecclesiae ipsius infallibilitatem niti inconcussa Petri fide, vel in stabilitate sedis Apostoli- cae solidari, vel Petri voce exstare, qui in successore adhuc loquitur, vel dum Petri Sedem vocant rectae fidei fundamentum, vel in ea dicunt esse integram religionis soliditatem. Vestrum jam est FF. et Filii in Christo carissimi, judicare, an quod erat demonstrandum, adductis testimoniis demonstratum sit, doctrinam nimirum de infallibili
