Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Joannes Simor
6 ritatem, ut eum (populum) ad amorem Dei et exercitium virtutum valeat accendere. Libenter autem vos carissimi Filii semper recipiam, vestra onera, quantum potero, leviora reddere, vestris indigentiis subvenire satagam. Quanta animi voluptate vos item alloquor Seminariorum Rectores, Magistri, Superiores, ad formandum virtute et doctrina Clerum juniorem vocati. Mente semper revolvite, quae de moderandis Seminariis, inspirante Spiritu Sancto, Patres sanxerunt Concilii Tridentini : „ut adolescentes Clerici vel a teneris annis tum ad pietatem, solidamque virtutem, tum ad litteras, severioresque disciplinas, praesertim sacras informentur.“ 29) Obtestor vos per Eum, qui vocavit vos vocatione sua sancta, ut connitamini toto corde, ,,quatenus curae vestrae concrediti a teneris annis, tamquam novellae plantationes su- crescentes in circuitu Tabernaculi animi ad pietatem, religionem, ecclesiasticum spiritum, omnemque virtutem sedulo formentur ac simul litteris ac disciplinis praesertim sacris accurate erudiantur, quo vitae sanctimonia spectati, salutari doctrina instructi, ac religionis studio incensi, divinisque rebus intenti, valeant in tempore fideles dispensatores mysteriorum Dei cunctis afferre venerationem, ac dominicum agrum diligenter excolere, et in sempiternam hominum salutem procurandum totis viribus inpigre ac strenue incumbere.3°) ,,Ab uniuscuiusque vestrum, qui dictis Seminariis praeestis, sedulitate et industria vineae Domini cultores accipere cogor.“5’) Et ideo si eis manus cito imponere lege divina prohibear;52) vos quoque indignos sacerdotio, ordinandos mihi sistere, prohibemini severissime. Vestrae ergo solertiae erit, singulorum ingenium, mores, vocationem ad statum clericalem tempestive explorare, ac providere ,,ut coelestis sapientia, probi mores, et diuturna justitiae observatio electos commendet.“ 3S) Quae autem vos maneat merces, legistis in Evangelio : ,,Euge serve bone et fidelis, quia super pauca fuisti fidelis, super multa te constituam, intra in gaudium Domini tui. 54) Sed etiam vos novellae Ecclesiae plantationes, Seminariorum meorum alumni ,,quorum Dominus pars haereditatis“, 55) quive inde Clerici auditis, Patris et Antistitis vestri amorem promerituri et gaudium impleturi estis. Itaque filioli mei expendite vocationem vestram; „nec enim quisquam sibi sumit honorem, sed qui vocatur a Deo tamquam Aaron.“ 36)„Si quis manum mittit ad aratrum, et respicit retro, non est aptus regno Dei.“37) Si quis igitur in vestro numero reperiatur, cui sua ipsius conscientia dubium moveat, an sit tamquam Aaron vocatus ? hunc per Deum rogo, ut festinet rem tanti momenti mature e- xaminare, ne reus fiat grandis impietatis. ,,Quis ascendit in montem Domini, aut quis stabit in loco sancto ejus? Innocens manibus et mundo corde“ respondit olimPsaltes Regius. 3S) Recedat itaque, quem impurum consilium, terrenus finis ad atria Domini induxit, qui in sacerdotio non salutem animarum, sed commoda et lucra temporalia, aut honores quaerit. Nec satis vobis possum iniungere, ut si ad sanctuarium introire velitis, vos modo oporteat sanctificari. Ille igitur nunc ab aetatis flore sapientiae thesaurus vobis est comparandus, quae supernaturali gratia adiuvante, jugi sacrarum disciplinarum studio, rerumque experientia duce, eos vos faciat, qui omnibus officiis, quibus in fideles e mandato Christi olim obstringemini, cumulate satisfacere valeatis. Equidem muneri meo deesse me censebo, si eum, qui sacram scientiam repulerit: non repellam, ne sacerdotio fungatur. 39) Parum profecto officii mei partibus responderem, si cum vineae Domini gravibus laboribus prospexero, semen negligerem futurae sationis. Non desunt in hac Archi-Dioecesi religiosorum virorum monasteria, quamobrem nec eorum incolas silentio mihi hodie praeterire fas est. Instituti vestri amantissimus sem29) Sess. XXIII. c. 18 de reform. — 3°) Encycl. Pii IX. Qui pluribus. — 3l) Encycl. EiusdemCum ad Christianae. — 32) 1. Tim. 5. 22. — 33) Pontif. Rom. — 34) Matth. 25, 21. — 35) Ps. 15, 5. — 36) Heb. 5, 4. — 3r) Lue. 9, 62. 3S) Ps. 23, 3. — 39) Ose. 4, 6.
