Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1852

illas in tribus exemplaribus, has

vero iu uno. K tribus exemplaribus status activi et passivi ecclesiarum subin unum

hujus constitutus alter Sacerdos, qui sibi adminimum sex membra e viris et mulieribus a pietate conspicuis instar commissionis associabit, et cum ea negotiis Confraternitatis intendet.

18-0 Si in parochia aliqua sectio generalis constans ex 1728 membris, aut nec subsectio constans ex 144 membris componi posset, sed nisi series e 12 constans, tales semet jungant cum aliarum parochiarum subsectionibus, aut generali sectioni.

ll-o Quivis Parochus suas series aut sectiones ut primum coaluerint,insinuatVice-Archi- Diacono, qui per Districtus sui parochias procedendo, numerum serierum, aut sectionum mense Novembri Officio Dioecesano referet, et eadem fidelia pia oblata submittet.

Devotiones Confraternitatis.

I. Singulum Confraternitatis membrum omni die orat (vel si illud esset nimis tenellum, loco ejus aliquis e domesticis orat) salutationem angelicam „Ave Maria“ et subjungit sequentem petitionem : “Beatissima Virgo Maria ora pro nobis et pro miseris parvulis paganorum!“

II. Omni anno binis vicibus, signanter mense Majo pro vivis, et mense Novembri pro defunctis Confraternitatis membris die praefixa offertur solenne sacrum Missae Sacrificium; sub hoc fit circa aram procedendo offertorium, et oblata colliguntur; ad cujus finem, sacra benedictio membris ejusdem Confraternitatis et cunctis praesentibus dispensabitur.

III. Quovis mense in ecclesiis Mysteriorum JESU, quippe : Bethlehem et Nazareth, item in Laureto et Monte Calvariae in honorem DEI Genitricis Mariae celebrantur duae Missae, una quidem pro membris Confraternitatis, altera vero pro infelicibus paganorum prolibus.

Indulgentiae Confraternitatis.

Confratres participes redduntur SS. Indulgentiarum plenariarum, quas Ecclesiam DEI gloriose gubernans Sanctissimus Dominus Noster Pius Papa IX. ceu per piae reminiscentiae praedecessorem suum Gregorium Papam XVI. Confraternitati concessas, ddo 12-ae Januarii 1851-mi non tantum benigne confirmavit, sed etiam ampliavit : singulis Confraternitatis membris quovis anno duas plenarias indulgentias concedendo. Et quidem primae ex his sacris indulgentiis a sacratissima die Nativitatis Domini, usque ad Festum Purificationis B. M. V., alterius ordinis vero a Dominica II. post Pascha usque 31-am Maji semel lucrandae perdurant.

Praeter has adhuc quinque plenariae Indulgentiae sunt pro membris Confraternitatis concessae, utpote Festis l-o Purificationis B. M. V. 2-o Angelorum Custodum. 3-o S.Josephi Patroni Catholicorum Chinensium. 4-o S. Francisci Xav. Chinensium primi apostoli. 5-o S. Vincentii a Paula derelictarum prolium Patris. Ut de his participent membra, etiam pro incremento Societatis Sanctae Pueritiae orare tenentur.

Insuper vero septem annorum et septies quadraginta dierum S. Indulgentiae habentur concessae pro Directoribus, Consiliariis et cunctis aliis utriusque sexus Confraternitatis Superioribus : quotiescunque pro tractandis Sanctae Pueritiae negotiis in unum congregantur.

Denique parvuli, qui necdum primam sacram communionem peregerunt, ceu ab hac dispensati, fructuum sacrarum Indulgentiarum pro Confraternitatibus Sanctae Pueritiae concessarum supramemo- ratis binis vicibus eo modo, prout occasione Jubilaei fieri solet, singulis annis participes redduntur.

Centralis Commissio Confraternitatis „de Sancta Pueritia“ pro Archi-Dioecesi e membris per nos designandis coadunanda, sub meo praesidio, et uno de Suffraganeis Episcopis qua Vice — Praeside isthic Slrigonii sedem habebit.

Nihil igitur supercsl aliud, quam ut cuncti in pariem sollicitudinis meae vocati Curati quoque fideles suos de origine et scopo piae hujus Confraternitatis^ cum privatim, tum publice in sacris sermonibus instituant, praesentes in lingvam vernaculam transpositas solenni occasione e cathedra publicent, omnemque impendant operam, ut pia haec Confralernitas ad exigentiam praeindicatorum statutorum ubivis locorum, ad majorem Sanctissimae Trinitatis item B.M.V. et omnium Sanctorum gloriam, ac in spirituale omnium nostrum emolumentum, nec non in pretium redemtionis infelicium parvulorum efflorescat.

De felici successu eo minus dubitare licet, quo certius est, vix aliquem adeo depravatorum morum futurum, ut protensam manum ad liberandum ab interitu parvulum retrahat; morientur profecto proles hae sine baptismo et absque spe visionis DEI, si illas dereliquerimus; undis mergentur, suffocabuntur cl devorabuntur a canibus et porcis; — vivent ex adverso! si curam earumdem assumseri- mus, si per exiguos quidem sed solerter congregatos obulos illis quidem redemtionis, nobis vero aeternae salutis mércédéin thesaurisaverimus. —

„Qui suscipit unum parvulum talem in nomine meo, me suscipit“ item : „videte ne contemnatis unum ex his pusillis; dico enim vobis, quia angeli eorum in coelis semper vident faciem Patris mei, qui in coelis est“ dixit Salvator noster. Operemur igitur Fratres et Filii Dilectissimi! salutem cum eorumdem parvulorum, tum nostram, conjuncti per charilalem JESU Christi, ceu membra unius ejusdemve corporis, cujus caput est Divinus Puer JESUS. Hoc est votum, hoc ardens desiderium nostrum! Nolite deterreri per molestias et faligia, quae omne initium durum reddunt : parvuli enim in coelis complicitis DEUM optimum precantur manibus, ut laboribus vestris benedicere dignetur Divinus autem Puer JESUS reddet vobis centuplum, dum venturus est in gloria el majestate sua. — Slrigonii Festo S. Josephi Sponsi 1852.