Soós István (szerk.): Tanulmányok Pest megye monográfiájához 2. - Előmunkálatok Pest megye monográfiájához 5. (Budapest, 2008)
Soós István: Pest-Pilis-Solt vármegye és a Neoacquistica Commissio (1696-1703) - II. Iratok a fegyverjog megváltásáról
IRATOK A FEGYVERJOG MEGVÁLTÁSÁRÓL et hac ipsa ex ratione in aliquam duntaxat tot expensarum in tam diuturni belli continuatos successus, cum enervatione aerarii nostri caesareo regii, profusarum recompensam, ius armorum in similibus a iugo Turcico eliberatis regni comitatibus, et bonis iure merito praetenderemus, huncque in finem certam ad augustam aulam nostram Commissionem Neoacquisticam benigne ordinaverimus, coram qua fidelibus nostris statibus, et ordinibus ad eiusmodi bona praetendentibus comparituris, iuraque sua producturis, et solidaturis bonorum quidem eorundem possessionem ipsis relinquendam, iuris tamen etiam armorum, praevia limitatione reluitionem praetendentibus incumbere benignissime resolverimus. Hinc fideles nostri comitatuum Pest, Pilis, Solt unitorum status, et ordines quorum videlicet bona ex integro per possessam a Turea Budam, inter praesidia Turcica, et in faucibus fuisse in comperto esset, facto ad maiestatem nostram humillimo recursu, pro eiusmodi iuris armorum, in similibus bonis, per Fiscum nostrum Regium praetensi erga praeviam conventionem, remissione demisse suppli- cassent. Et quamvis praeter venerabilem clerum, cui in genere respectu suorum bonorum, eiusmodi iuris armorum remissio iam praevie obtigisset, complures etiam memoratorum comitatuum possessores ad partem, et privatim de huiusmodi iure armorum cum Camera nostra Aulica, et consequenter Fisco nostro Regio accor- dassent, sublatumque inibi ius armorum obtinuissent; quia tamen potior adhuc bonorum saecularium pars eidem iuri armorum obnoxia esse censeretur, ideo in communi eiusdem sublationem medio legitimorum suorum plenipotentiariorum ad hunc actum specialiter exmissorum, et instructorum fidelium utpote nostrorum egregiorum Alexandri Nedeczky de Duna Nedecke, et in Labatlan Subdele- gatae Commissionis nostrae Budensis assessoris, ac eidem adiuncti Thomae Söter sollicite adursissent, et praemissa pro clementi erga eosdem, et totum Regnum nostrum Hungáriáé propensione, cura, et paterna pietate nostra, totque innumeris, et emancipationem e iugo Turcico sui, subditorumque suorum impensis laboribus, et profusis sumptibus, omni ipsorum humilitatis fideliumque, obsequiorum genere, et studio amplissima gratiarum actione, et homagiali obsequiorum suorum perpetua submissione, erga initam cum Camera nostra Aulica conventionem triginta millia florenorum Rhenensium circa medium proxime venturi mensis Decembris ad officinam solutoriam nostram aulicam ex propriis suis, et neutiquam subditorum suorum mediis, et per eos duntaxat, qui iuri armorum adhuc complanando obnoxii essent, et exceptis illis, qui ius armorum qualiter- cunque per maiestatem nostram sibi ante praesentem conventionem relaxatum esse remonstrare, id ipsumque benignis exemptionalibus litteris nostris coram antelatis statibus, ac ordinibus praelibatorum comitatuum comprobare poterint, consequenterque bona illa a solutione iuris armorum exempta sint, quae in regesto authentico per antelatorum comitatuum ablegatos praesentando specificata haberentur, prouti et fidelium nostrorum egregii Ladislai Hunyadi, et spectabilis, ac magnifici comitis Stephani Koháry sequentia praedia Mareháza, Akasztó, Vats, Gyal, et Tapio Ságh, possessio, nec non portio Wesseleniana in oppido Kecskeméth pariter ad eundem comitem Koháry, et ipsius familiam spectans exolvenda, et effective plenarieque dinumeranda semet demisse obtulissent, et obligavissent. Hinc nos quoque gratam eorundem dictorum comitatuum Pest, Pilis, et Solth unitorum fidelium statuum, et ordinum nostrorum animi promptitudinem cle251
