Soós István (szerk.): Tanulmányok Pest megye monográfiájához 2. - Előmunkálatok Pest megye monográfiájához 5. (Budapest, 2008)
Soós István: Pest-Pilis-Solt vármegye és a Neoacquistica Commissio (1696-1703) - I. Iratok a nemesi birtokjog igazolásáról
SOOS ISTVÁN tandem iura, et titulos alterius dominii Buyák, una cum praefatorum primi, et secundi ordinis bonorum, ex asse, via huiusce Delegatae Commissionis cognosci, determina- rique facere velit, inque finem praedeclaratum diem 25. mensis et anni labentium,143 praefigi; sed et universos, ac quoslibet, ius, et praetensionem quamcunque in praefata triplicis ordinis bona, quocunque tandem iuris ex principio formare valentes, suo modo, et ordine, in receptis similibus commissionalibus processibus praemittere assolitis, cum expressata perpetui silentii, et praeclusi poena, ad comparendum, iuraque sua, et titulos in praescita bona praetensos edituros, probaturosque et liquidaturos citari, certificarique curasset. Et siquidem dies praedeclarati termini iam instaret: imo penes praeinsinuatam benigne Sacratissimae Suae Maiestatis praemissis in negotiis, atque triplicibus causis ordinatam delegationem, Commissio eadem primum suum gratiose formasset consessum. Idcirco Fiscus etiam Regius, cui praenuncupata quaelibet iura, atque exinde promanantes causas, ex officio promovere rite, ac legitime competeret in figura eiusdem excelsae Delegatae Commissionis demisse comparet, et inhaerendo praeallegatae benignae delegationi, praescitos triplices processus antequam meritorie, et realiter aggrederetur; siquidem de natura uniuscuiusque bene formati processus ea esset qualitas, ut primo et ante omnia partes citatae compareant, perque id tenori benignarum citatoriarum, et certificatoriarum satisfieret: eaproter humillime insto, quatenus dominus secretarius eiusdem excelsae Delegatae Commissionis,144 cum praeinsinuatis regestris nomina partium citatarum, et nunc comparentium combinare, et comportare velit, ut exinde erui, rescirique possit, quae partes erga praeviam citationem, veluti obedientes comparuerint, et quae non? Sique tali ex comportatione absentes, adeoque nonnulli contumaces esse deprehendi poterunt; ex quo contra contumaces omnia iura regia clamarent; imo ex solo consimilis absentiae, et contumaciae fundamento causa, et acquisitio totalis, et integra partis actoreae, de simplici ac plano admitti adiudicarique assoleret, deberetque: instarem, imo et peterem, ad mentem etiam benignarum citatoriarum, talismodi absentes, et contumaces, non tantum in amissione actionalium bonorum, verum insuper in poena perpetui silentii, et praeclusi convinci, et aggravari; convictosque et aggravatos dignosci, et determinari. In quantum autem nonnulli citati fors comparerent, iuraque sua, et titulos edere vellent: contra et adversus eosdem pro omni tempore, eo, quo meliori fieri poterit modo Fiscus Regius reservat cunctam, et omnigenam iuribus suis prospiciendi, invigilandi, et ulterius procedendi facultatem. Caeterum me in gratias, et singularia patrocinia eiusdem excelsae Delegatae Commissionis demisse substernens, maneo. Eiusdem Excelsae Deputatae Commissionis servus humillimus Adamus Mesko mp. 143 Azaz 1702. április 25-ig. 144 Azaz Rüdiger Gosswin von Fürstenbusch. 146
