1839-1840 Irományok 1. • Felséges Első Ferdinánd Ausztriai Császár, Magyar és Csehországoknak e' néven Ötödik Apost. Királyától szabad királyi Po'sony városába 1839-dik esztendei Szent-Iván havának 2-dik napjára rendeltetett Magyarország' Közgyülésének Irásai / Pozsony / Nyomattatott Belnay, Wéber és Wigandnál / 1839-1840
1839 / 2. ülés
Acta Sessionis '1. Udo tt-ae Juh. 3 fleis, Magnificis itera, Egregiis et Nobilibus, nec non Prudentibus ac Circumspectis Inclyti Regni Hungáriáé, Partium eidem adnexarum Dominis SS. et 00., qui vel in persona, vel etiam ab* legationis munere fungentes, nomine Principalium suorum pro praesenti, generali Diaeta Recni. pcr altefatam Suam Majestatem Cacsareo-Regiam clementissime indicta, congregati sunt, benigne intimandum: Summefatam Suam Majestatem Sacratissimam pro constanti ea, qua cunctis Regii sui muneris partibus intendit, cura, dum generalia haec Regni Comitia indiceret, benigne simul memorem eorum, quae per Articulum 21. novissimae Diaetae in respectu Partium Regni Hungáriáé antea ad Transilvaniam applicatarum, legeque eadem reincorporatarum, quatenus iisdem ratione voti, et sessionis in Comitiis jus postliminii §. I. Articuli illius attactum suffragari, dignosceretur, ad haec evocandarum constituta habentur, interea etiam, usquedum in consequentiam Relationis per exmissam Commissionem praestandae, ulteriora hanc in rem, sensu ~. 3. praecitatae legis sancita fuerint; ad Comitatus Kraszna, mediocrem Szolnok, et Záraiul, quos utpote iam ante, quam a Regno Hungáriáé avellerentur, huius in Comitiis jure voti et sessionis gavisos fuisse ultro evidens est, mox nunc benignas Regales dedisse. Tenore harum, Eandem cunctis Dominis Statibus et Ordinibus ad Comitia haec benigne convocatis generatim et Suam in observandis legibus religionem, et vero illam, qua in specie relate ad robur legionum hungaricarum conservandum tenetur, sollicitudinem, pro candore benignissimi animi Sui indicasse. Est nempe illud partim communi mortalitatis conditione, partim vero quod alii senio, morbis alii fracti, exercendis armis minus habiles reddantur, alii denique continui servitii onere sensim fatiscant, eum in modum attenuatum, ut accedente cumprimis etiam eo, quod militem in consequentiam Articuli 7: 1830. statutum, evoluto decennio[inomisse, finaliter dimitti, legis eiusdem, fideique publicae sanctimonia imperet, legali scopo, absque validis suppetiis responsurum non esset. Unde cum ad has comparandas collectacula non sufficiant: Primum illudque maiorem in modum desiderare altefatam Suam Majestatem Sacratissimam, ut Domini Status et Ordines, se in partem praecipuae huius Regii Eius animi sollicitudinis, el ad traditam Sibi per Majores heroici legionum hungaricarum vigoris in quosque eventus integre servandi gloriam, decernendo in Tyronibus subsidio confirmandam, ac per eum vocatos esse Principem meminerint, qui uti studium pacis cordi Suo alte impressum constanter fovet, ita nihil enixius cupit, quam ut eadem necessariis securitatis praesidiis firmata, impulsum animi sui in provehenda prosperitatis publicae efflorescentia ininterrupte sequi valeat. — Alterum deliberationis Dominorum Statuum et Ordinum argumentum Articulus 11. postremorum Comitiorum praestituit, cuius ad exigentiam, opus Regnicolaris Deputations, ad depromendam intuitu modalitatis, quae in alendo, hospitioque excipiciendo stativante, et transennante milite oportunissima, iustissimaque videretur, ratione item quaestionum, cum obiectis his necessario nexu iunctarum opinionem, exmissac, Dominis Statibus et Ordinibus referendum, mox in pertractationem sumendum est.— Tertium est: ut cum inter vehicula facilitandae commercialis communicationis, praecipuo loco Danubius censeri debeat; scopum tamen in illum, ut is huic, quam a natura accepit, destinationi tanto certius respondeat, simul vero mala, quae per exundationem aquarum eius, et alias frequentissime evenerunt, et vero maxime anno 1838. adsitis eidem oris gravia acciderant, efficacius antevertantur, regulatione eius, ad hanc vero suscipiendam maiori et sumtuum et operarum impendio, et denique ad tollenda navigationis impedimenta severiori legum sanctione opus sit; Domini Status et Ordines hoc ipso evidentis publicae utilitatis obiecto uberius expenso, circa decernendas scopo praevio [Provisiones, pro re nata ad reliquos etiam in Regno navigabiles fluvios extendendas, ductu praeexistentium legum mentem suam his adhuc Comitiis Suae Majestati Sacratissimae proponant. — Quae dum Eadem altefata Sua Majestas Sacratissima, per Dominos Status et Ordines maturitati consiliorum juncta possibili temporis, ex mente legum parsimonia peragenda confidit; una Eos securos esse jubet: circa Gravamina et Postulata, sub praeteritis Comitiis exhibita, quae ulteriorem pertractationem requirebant, prout et illa, quae ex Comitiis his substrata fuerint, Eandem benignas Resolutiones Suas mox impertituram, neque iustis desideriis pro constanti benignissimae voluntatis Suae in haec propensione defuturam esse. — ln reliquo summefata Sua Majestas Caesareo-Regia Dominis Statibus et Ordinibus Gratiam et Clementiam Suam Caesarco-Regiam hisce benignissime confirmat. Per Sacram Caesaream et Regio-Apostolicam Majestatem. P oson ii, die 4. Junii 1839. Georgius Bartal in. p. t *
