1830 Irományok • Acta Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8. Septembris Anni 1830. indictorum. / Posonii / Typis S. Ludovici Weber / 1830
Sessio 2
Acta Sessionis 2. 23 genuitas, abundantissime loquitur, — ad avitum Solium sublimatione, eo plenior, effusiorque est: quod nunc non ut alias, Gens inter haustum e prioris Principis obitu luctum , ac inter novi Principatus tripudia, alternis moestitiae, ac gaudii distrahatur affectibus, sed tota ad incredibilem comparata laetitiam, impermixto, justissimoque exultet gaudio. Praesertim quod venturae inaugurationis solennia illius Sui Principis in acceptis referat benignitati, cujus sublimes Virtutes universum Orbem irradiant, quive cum Sacrosanctum Regis Jus ac Majestatem haereditaria Successione possideat, dulce tamen Patris Patriae nomen ingentibus, ac apud omnem posteritatem aeternaturis consecutus est promeritis, valentiorque est populorum Suorum amore, quam imperio, — dignus sane, qui in Suprema vergentis Suae Aetatis Solatia Suis usurpet oculis Serenissimum Suum Primogenitum, vivam Suarum Virtutum imaginem, populorum Suorum amore, plausibusqtfe circumdatum, Regalique Diademate corruscantem, quo secus Principes apud Exteros post Patrum duntaxat funera potiuntur. Eo itaque laetior, eo faustior, eoque illustrior erit ingruens inaugurandae Serenitatis Vestrae Caesareo-Regiae festivitas, quod ea incolumi Augustissimo Rege Nostro tota plaudente Patria, celebranda sit. — Videbit Serenitas Vestra Caesareo - Regia circumfusos Solio Suo fidelissimos Regni Hungáriáé, Partiumque ei adnexarum Status et Ordines, totidem verissimos communis laetitiae, ac publicorum sensorum interpretes; gestabit Suo impositum Capiti Sacrum illud Regni Diadema, quod a conditi per Divum Protoregem Stephanum, Regni Primordiis tot gloriosorum Principum cinxit tempora, justissimaque popularium nostrorum colitur religione, audiet piissimas Sacrorum Ministrorum, omniumque Statuum , ac Ordinum pro Sua, Augustissimique Parentis incolumitate, ac prosperitate comprecationes; Suoque discet experimento inconcussam eam erga Suos Principes Gentis Hungarae fidelitatem, qua haec pulcherrimis Majorum Suorum insistens Vestigiis, caeteras Orbis Nationes non sequitur, sed praecedit, inter Sua semper lucra reputans, quoties fortunas, quoties Sangvinem, Vitamque Suam in immotae Suae fidei Signaculum Sibi immolare licet. Ouocirca, ut motae per Suam Majestatem Sacratissimam publicae totius Regni Spes expleantur, conformiter acceptae a Regni Hungáriáé, Partiumque ei adnexarum Statibus, et Ordinibus, Posonii Diaetaliter congregatis, honorificentissimae Missioni, Serenitatem Vestram Caesareo - Regiam nomine eorumdem Statuum et Ordinum ima cum humilitate oramus: ut eosdem benigna Sua praesentia beare, Sacroque Regni Diademate Solenni Majorum ritu in Regni Hungáriáé, Partiumque ei adnexarum Regem ac Dominum inauguranda quamprimum in Medium eorum venire dignetur. Qui in reliquo fidelissimos Status, et Ordines, universamque Gentem Hungaram, una Nobiscum Altiss. Serenitatis Vestrae Caesareo-Regiae Gra-O _ ^ O tiis, ac benignitati profundissima cum Veneratione devovemus. Ad quae Serenissimus Dominus Coronae Princeps reposuit: wuod Augustissimus Caesar et Rex, Paterque, mihi, donec in venis meis calebit sangvis, summo semper amore venerandus, gloriosis suis, et faustis sub auspiciis, Sacrum Regni Hungáriáé Diadema capiti meo jam nunc constituerit imponendum, tamquam insigne et splendidissimum proprii Eidem magni animi, et quod in me non minus, atque percarum Sibi Regnum redundat, Paterni affectus munus filiali veneror pietate. 6
