Az ország-gyűlésének irásai (Buda, 1807)
1807 / 27. ülés
84 ••• f 27. Ülés Írásai. $ Provocatum in Nuncio Statuum et Ordinum circa factam suae Majestati Sacratissimae Oblationem. F ideles Suae Majestatis Sacratissimae SS. et OO. diaetaliter congregati, exemplo Majorum incitati, et quoad explenda Regni Desideria per Suam Majestatem Sacratissimam ad reponendam in Paterno Sinu fiduciam provocati, in hac, de mediis procurandis, removendisque publicae Rei Incrementi obstaculis priori demissa Repraesentatione deductis, data Benigna assecuratione Regia conquiescentes, et hanc pro basi oblati assumentes, in Testimonium sincerae fiduciae, signumque firmae, quam in Sacro verbo Regio locant spei, quae eosdem nunquam fallet, ex suo erga Regnantem Majestatem et Salutem publicam zelo ac amore, in hoc praecise extraordinario casu, absque omni pro futuro nectenda consequentia, salva legali Constitutione, sequentem faciunt spontaneam Oblationem. imo : Omnis seu Nobilis (viduabus Bona seu possidentibus, sive non possidentibus sed intertentionem suam in parato aut naturalibus percipientibus, ac aliis etiam vitalitium habentibus, huc intellectis) seu Civis, aut cujuseunque demum Status, Conditionis, et nominis sit, inclusis etiam Coronalibus, Fiscalibus, et Politico-Fundationalibus, aut quarumcunque Communitatum Bonis, Proventuum unius, quippe anni 1807, modernorum purorum suorum (detractis solum ad promotionem Oeconomiae necessariis expensis) e Bonis (incluso fundo instructo) immobilibus, Regalibus item, Malleaturis, Ferrifusoriis, et Ferrifodinis, aluminis coctura, Fabricis denique,et Quaestoribus Magnariis, ac quibusvis Beneficiis obvenientium sextam partem, ne aere quidem alieno deducto, Aerario Regio inferre tenebitur, quod ipsum Fodinarum etiam Possessores a Fodinarum suarum simul sumtarum proventu puro, deductis expensis eruendo, praestabunt. 2do: Aedificiorum, huc tamen non intellectis Residentiis Nobili- taribus, et ad Oeconomiae promotionem seu in toto seu in parte necessariis, ita etiam Mobilium, quocunque demum nomine venire .queuntium, seu fructificantium sive non fructificantium (illis nihilominus, quae proventum Bonorum immobilium qua fundus instructus jam ingressa sunt, prout et apparatibus bellicis, libris, vestibus item utriusque sexus non pretiosis, et ordinariis domus utensilibus exceptis) justi valoris centesima pars dependetur. Coloni, Inquilini, etSubinquilini a tenutis et facultatibus, a quibus servitutes urbariales praestant, aut has reluunt, Contributionemque ab his dependunt, ab omni ad hoc Subsidium concursu eximuntur. Communitates tamen Privilegiatae, aut Contractuáles, sedet Quaestores seu a Fundis, seu ab aliis quibuscunque facultatibus demptis Dominalibus, Contribu- tionalibus, at aliis oneribus publicis per Jurisdictiones conscientiose supputandis, a fundis quidem immobilibus sextam purorum proventuum, a mobilibus vero centesimam valoris partem praestabunt. Stio:
