Mitteilungen des Österreichischen Staatsarchivs 42. (1992)
LIETZMANN, Hilda: Quellen zur ungarischen Krönung Rudolfs II. im Jahre 1572
Hilda Lietzmann Aber zwischen yezbemelter schiffpruggen unnd der statt haben N. rich- ter, burgermeister unnd rath der statt Preßburg I. K. M. mit dreyen fend- lin fueßknechten irer burgerschafft, so in ainer zugordnung gestannden unnd am fürüberziehen zwe stückhel veldtgeschüz unnd hanndtrohr abgeen lassen, unnderthenigist empfanngen. Von dannen I. R. M. sambt dero gemahel unnd Erzherzog Carln hinauf in das schloß, darinnen I. M. unnd F. D. die gannze crönungszeit gelegen, gezogen. Die zween jüngsten Erzherzogen aber seyen herunden in dem Bischoffhof127) eingezogen. Dabey ist es allso der K. M. einzugs halben desselben tags verbliben. Die Kün[igliche] W[ürde] aber, alls Erzherzog Ruedolph zu Österreich, seyen sambt deren bruedern Erzherzog Ernnst, deßgleichen Herzog Wilhelm unnd Ferdinand von Bayrn unnd Carl Friderichen Herzogen von Clef an bemeltem 20. Septembris von Wienn aus am lanndt mit irem hofgesind geen Hainburg gezogen unnd alda über nacht gelegen. Die Böhemisch, Marisch, Schlesisch, Lausnizisch unnd Österreichisch Lanndtschafften seindt am freytag davor, das war der 19. Septembris von Wienn verruckht, unnd dieselb sambstagnacht die Behemb unnd Märrer zu Pettronel128), die Schlesier unnd Lausnizer zu Hundt- sheimb129) unnd die Österreicher zu Pröllnkirchen130) ire nachtleger gehabt, dahin man der profiant unnd anndershalben zeittliche Verordnung gethan. [fol. 44v] Eben am sonntagmorgen, welches der 21. gewesen, umb neun uhr sein alle Lanndtschafften mit iren pferden bei dem Öden Thurn ausserhalb Rettsee131) zusamenkhumen, dahin dann die R. M. hochernannten iren geliebten herrn bruedern, die F. D. Erzherzog Carl unnd beede jüngste Erzherzogen Mathias unnd Maximilian mit irem hofge- sindt abgeferttigt. Als nun die R. W. sambt obgenannter F[ürsten] comitif bei dem Öden Turn, da sich die Lanndschafften gesamblt unnd Erzherzog Carl sambt baiden jüngsten Erzherzogen gewarttet hat, ankhomen, sein gleich als- baldt Herr Niclas Bathori, der eher Graf von Serin unnd der Herr Ba- thiani von den Hungerischen Stennden zu I. R. W. abgeferttiget worden, welche alls sy I. R. W. nahet bey dem vorgenannten Öden Thurn im veldt angetroffen, alsbaldt von rossen gestannden, I. R. W. entgegen 127) Der alte Bischofshof stand an der Stelle des im 18. Jahrhundert erbauten Prima- tialpalastes. 128) Petronell, NÖ. 129) Hundsheim, NÖ, Dorf südöstlich von Deutsch-Altenburg. 150) Prellenkirchen, NÖ, ebenfalls südöstlich von Deutsch-Altenburg gelegen. 131) Es handelt sich um die Ruine Pottenburg bei Wolfsthal nordwestlich von Kittsee. Dort ist der Flurname „Ödes Schloß“ belegt; vgl. Heinrich Weigl, Historisches Ortsnamenbuch von Niederösterreich 1 (Wien 1964) 218. 88
