Mitteilungen des Österreichischen Staatsarchivs 42. (1992)
LIETZMANN, Hilda: Quellen zur ungarischen Krönung Rudolfs II. im Jahre 1572
Hilda Lietzmann hentlichisten hungerischen prelaten, [föl. 56 r] graven unnd herrn, auch behemische, märische, schlesingische, lausinzische unnd österreichische lanndtleüth zu der maizeit gefüert, unnd alda stattlich tractiret, darüber auch nach vilen run dt trinkhen, so von des Khönigs gesindt unnd glückhwegen herumbganngen, etlich zimblich frölich unnd bezecht worden. Von den 4 fendlen fueßkhnechten haben die zeit der wehrenden crö- nung alle tag unnd nacht ain halbs fendle oben im schloß unnd ain halbs in der statt vor des Khönigs herberg gewacht. Unnd damit an victualien unnd der zuefuer dessto weniger gemanglt, hat man alle mentschliche notdurfft, mautt, zoll unnd dreissigist frey passiern unnd solches durch offne general publiciern lassen. Die zwen Herzogen von Bayrn seien inn ainem burgerhauß negst dem Rathhauß am plaz losiert gewest162). Den volgenden freytag nach der chrönung hat man mit allen ritterspil- len inngehallten. Aber am sambstag ist ain zierlichs ringlrennen gehallten unnd darzue ain sonnderer plaz unnd portten vor der statt Preßburg hinaus für das gericht auf den [fol. 56v] spitlägckhern163) aufgericht worden, inn welchem rennen die F. D. Erzherzog Carl zu Österreich mit iren gehiilffen mantenator gewest. Am volgenden sontag hat man abermalen zu negst desselben orths, doch in ainem sonnders darzue zuegerichten palatio ainen fueßthur- nier nit weniger zierlich unnd stattlich, unnd darauf zum nachtmal oben im schloß ain pangkhet unnd tannz gehallten. Unnd alda den rittern, so sich im ringrennen unnd fueßthurnier wolgehallten, die dänkh ausgetheillt. Am montag hat man abermaln gerhuet unnd sich dazwischen zu dem dritten ritterspill geriisstet. Unnd nachdem vor der statt für das gericht hinaus auf den spitaläckhern ain statt von holz gar zierlich und mit grossem uncossten gebauet gewesen, darein man vil geschüz auf re- dern füeren unnd heraussen etliche schanzen machen lassen, seind am erchtag164) hernach alle hungerische pferdt, deßgleichen des hofge- sindts unnd der lanndtleüth teütsche pferdt unnd besonders inn die 100 kürüsster165), [fol. 57r] item die vier fendle österreichische fueßkhnecht unnd drey fendle preßburgische burgerschafft hinaus geschickht, die statt gleichsamb belegert unnd alda mit beschiessung, scharmizlung 162) Aus den Texten geht nicht hervor, in welchem Bürgerhaus am Hauptplatz die beiden Herzoge logierten. 163) Die Spitaläcker lagen vor dem Lorenzertor nordöstlich der Altstadt; Spitalgasse und Spitalkaserne erinnerten später noch an ihre Existenz. 164) Dienstag 165) Geharnischte. 100
