Szilágyi Sándor szerk.: Erdélyi Országgyűlési Emlékek 20. 1688-1691 (Budapest, 1897)
34. fejezet: 1688-1691 - Törvények és okiratok
earundem extracta et observata in literisque divisionalibus penes Fidelitates Vestras habitis, vel in aliquo loco authentico repositis et existentibus specifice declarata exposcerentur legitimis haeredibus assignanda, iterato institit idem princeps palatinus humillime quatenus ulterius etiam eatenus juribus praedictarum dominarum prospicere, Fidelitatibusque Vestris desuper mandare benigne dignaremur. Ac proinde nos justis ejusdem principis palatini postulatis annuere volentes, priusquam res ad rigorosiora deveniat satisfactionis media, Fidelitates Vestras hisce paterne requirendas esse duximus, quatenus occasione hac, qua praefatus princeps palatinus proprium ad Fidelitates Vestras expedivit cursorem, categoricam nobis superinde resolutionem in eo dare nullatenus intermittant, utrum videlicet tam praedictorum bonorum maternorum et materno avit .... vi etiam per Fidelitates Vestras qua status factae sequestrationis earundem dominarum tres portiones, una cum fructibus a praedicta per quoscunque hactenus perceptis, quam vero ratione praescriptae summae triginta circiter millium tallerorum modo praevio per praedictum Emericum Tokoly distractorum ex portione ejusdem fiscali, quarta nimirum praedictorum bonorum parte, plenariam et omnimodam velint iisdem dnabus impendere satisfactionem; ne per iteratas et frustraneas mandatariorum suorum in tam remotas partes fiendas expeditiones tum ipse princeps palatinus, tum vero attactae dominae sorores Tokolianae majoribus involvantur expensis, verum de aliis congruis debitae satisfactionis sibi providere valeant mediis. Fidelitatibus Vestris in reliquo caesarea et regia gratia nostra propensi manentes. Datum in castro nostro Laxemburgli die tertia mensis Junii, anno domini millesimo sexcentesimo nonagesimo. Leopoldus, m. p. Joannes Maholany, m. p. Kulczfm: Spectabilibus ac magnificis egregiis et nobilibus, nec non prudentibus ac circumspectis statibus et ordinibus Transylvaniae etc. fidelibus nobis delectis.
