Szilágyi Sándor szerk.: Erdélyi Országgyűlési Emlékek 13. 1661-1664 (Budapest, 1888)

27. fejezet: 1661-1664 - Törvények és okiratok

cationi et tractationi causarum, difficillimum existimante ut ratione privatorum quorundam causas contra alios movendas ceteri etiam hic delitescant et expensas faciant: de quo quid concludatur, sequens forsan dies certo indicabit. Die 4. Convenientes dni status, nihil aliud agitur, nisi quod de eo discurritur: requiratur celsmus princeps humilem per instantiam, ut ceteris causis in aliud tempus rejectis, saltem eae tractentur, quae in quarto membro vel propositione suae celsitudinis continentur: de cusoribus falsarum monetarum et qui argento vivo ac auro adhuc in materia pulverali existente negociantur, regnum defraudando ; sed celsmus princeps non annuit, necnon mandat, ut matutinis horis res regni, pomeridianis causae tractentur. Solito de more Benedictus Hedri pridem incorporatus, nequam pontificius canis filius, natione vereshasu toth stentorea voce quamplurima evomens indisposite, tandem carpitur ab altero vic.ecomite comitatus Tranniae Albensis Stephano Szeki, ne sine constitutione et scitu comitatuum tam impudens in medium prosiliens, agat eorum nomine, non enim lionori sibi hoc futurum. Horis pomeridianis, in certam domum praesidente, prothonotariis et assessoribus convenientibus, causae discutiuntur, excepta causa generosi Gregorii Kun, liscales praecipue ratione possessionum publicatarum, et multi absentes tam per sese, quam per procuratorem in sententia per non venit convincuntur. Nulli horum ita condoleo, ut Nicolao Istvan conpatri contra Gregorium Kun per non comparitionem convicto, praeterea etiam ipso adhuc captivo existente, ratione scilicet redemptionis pro eo ab alio praestitae. Inter discutiendum causas judices interim Baccho indulgent, praeterea etiam sat madidi existentes. Abusus sane Hungaricae nostrae nationis est! Cum sobria mente sint litigia causantium summa cum consideratione discutienda, seculo tamen nostro praesenti Trannico, ut videre est, perversis in moribus, aliud et contrarium sentiente. Yix per bihorium causarum duravit discussio. Die 5. Novembris. Hac die ne quidem conveniunt dni status et regnicolae, sed quilibet privatis vacando totum diem inaniter, plerique insuper etiam compotationibus transigendo. Summo mane in hospitium nostrum conveniunt dni delegati universitatis, de postulatis ex parte nationis suae corradendis, proxime praeterita tamen die a nobis Cibiniensibus jaminrudi materia (restante tantum politione et consensu) omnibus iisdem legitime excogitatis et minutatis. Adfertur certo rumor de legato imperatoris Romanorum cum integra plenipotentia ad principem, imo forsitan etiam status adventante. Domum redit magister horologiorum Cibiniensis bene potus. Per quem misi-