Károlyi Árpád (szerk.): Monumenta Hungariae Historica 3. Monumenta Comitialia regni Hungariae 12. 1606 (Bp., 1917)
II. A "bécsi béke" és a három kassai országgyűlés 1616. június-deczember
1606 AUGUSZTUS. 569' miae, Dalmatiae, Croatiae, Sdavoniae etc. Rex, Arcliidux. Austriae, Dux Burgundiáé, Stiriae, Carinthiae, Carniolae, Marchio Moraviae, Comes Tyrolis et Goritiae etc. Recognoscimus et notum facimus tenore praesentium, universis. Cum ad motus intestinos, qui nuper in nostro Hungáriáé regno excitati fuerunt, pacifice componendos, plenipotentiam nostram serenissimo Matthiae, Archiduci Austriae etc., principi ac fratri nostro diarissimo, concessissemus, eiusque vigore res eo tandem perducta esset, ut in certam reconciliationis formam inter Dilectionem ipsius ex una et spectabilem ac magnificum Stephanum Bochkay de Kysmaria, eiusque asseclas Hungaros ex altera partibus convenerit, quae quidem sub dato nona mensis Februarii die huius anni a Dilectione ipsius et commissariis ad illud utrinque deputatis subscripta et sigillis corroborata, ad nos missa et a nobis confirmata fuit ; deinde vero novus Viennae tractatus inter eundem serenissimum fratrem nostrum Archiducem Matthiam etc. et dictum spectabilem ac magnificum Stephanum Bochkay habitus et prior reconciliatio in alias conditiones mutata atque in aliam formam die vigesima tertia mensis Junii dicti anni redacta a Dilectione ipsius et commissariis ad illud utrinque deputatis subscripta et eorum sigillis corroborata nobis ad confirmandum transmissa esset : Nos pro innata nobis benignitate clementiaque, dicto regno nostro consultum cupientes, ut videlicet ad pristinam illud quietem ac tranquillitatem foeliciter reducatur, dictum novum tractatum ad nos missum, ita confirmavimus, corroboravimus ac ratificavimus, quemadmodum praesentium vigore confirmamus, corroboramus ac ratificamus, ut tam illi articuli, qui ad religionem et ad ecclesiasticum ordinem pertinent, quam reliqui sic intelligantur, quatenus iuramento nostro solenni, Statibus et Ordinibus regni in inauguratione nostra praestito, cui contravenire nequaquam possumus, contrarii non sint. Si quid autem difficultatis aut dubii vel ex una vei ex altera parte superfuerit, id proxime futura diaeta explicetur et accommodetur, ut scilicet omnia bona fide agantur. Promittentes in verbo nostro regio, memoratum novum tractatum gratum, ratum ac firmum habituros et per alios omnes fideles nostros subditos haberi curaturos. In cuius rei fidem et testimonium hasce literal
