Károlyi Árpád (szerk.): Monumenta Hungariae Historica 3. Monumenta Comitialia regni Hungariae 11. 1605—1606 (Bp., 1899)

V. A KASSAI ORSZÁGGYŰLÉS 1606. ÁPRIL ÉS MÁJUS HAVÁBAN.

FÜGGELÉK. 861 interceptiones, civitatum oppidorum possessionum et villarum occupationes, generaliter vero universae violentiae sub hoc tempore facta et patrata nulli omnium cuiusvis status et conditionis ordinis et praeeminentiae hominibus, demptis superius (?) exceptis, imputentur sed de piano et simplici obliterentur et annihilentur et nullo unquam tempore quovis exquisito modo et colore neque sua Maiestas caesarea regiaque aut successores sui legitimi reges Hungáriáé nec ipsi damnificati regnicolae ad invicem palam vel occulte in vel extra iudicium per se vel per alios possint propterea vel impediri vel aliqualiter aggravari; quin immo hi omnes et universi super suis factis intra praemissum tempus commissis a quibusvis actoribus causidicis et litigantibus tam in quam extra iudicium liberi penitusque absoluti sint et habeantur, nec eos quivis iudex Ordinarius iudicare valeat aut praesumat quovis modo; praeterquam Sigismundum Balassa qui contra Deum et ipsum ius naturae fratrem suum carnalem Emericum Balassa et matris suae sororem carnalem Sophiam Mérey violenter captivavit et omnibus bonis suis tain niobilibus quam immobilibus spoliavit. Cuius causa ut in proxime futura diaeta per regnicolas cognoscatur et diiudicetur conclusum est. Sicut etiam servitores suae Maiestatis caesareae ac regiae aliorumque dominorum et nobilium ad dandas rationes obligati hinc excepti sint, qui ad eas dandas omnimo cogantur. Quod si tarnen compertum fuerit eiusmodi proventus tam suae sacrae caesareae regiaeque Maiestatis quam regnicolarum armis aut violenter ab illis ablatos fuisse, in eo casu ad talium proventuum restitutionem non teneantur. Si qui etiam ex praedictis Bochkaio adhaerentibus Hungaris quaevis castra fortalicia aut munitiones sponte vel invite manibus Hungarorum tradidisent aut assumpto sibi exterorum Turcarum et Tartarorum auxilio sacrae caesareae regiaeque Maiestati aut Hungaris aut etiam vicinis provinciis damna intulissent nec non liberas civitates, fodinas, oppida, villa, possessiones, census, taxas vel proventus quovis nominis vocabulo nuncupatos percepissent et pro se usurpassent aut cusionem ali-