Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 8. 1588—1597 (Bp., 1883)

I. A POZSONYI ORSZÁGGYŰLÉS 1582. FEBRUÁR- és MÁRCZIUSBAN

1.106 A POZSONYI ORSZÁGGYŰLÉS Barones, Magnatesque et Proceres caeterique Status et Ordines Regni, communibus votis et suffragiis, antiquata et oblitterata omni et qualibet praefatae sententiae ac notae infidelitatis noxa et vinculo, eundem in pristinum suum consortium et coetum receperunt et adnumerarunt; reddendo eum haeredesque et posteros eius capaces omnium iurium, libertatum, praerogatiuarum et immunitatum nobilitarium, quibus ipsi de more et consuetudine Regni, uti et gaudere solent, sperantes, eum deinceps non tantum quie

tum, sed etiam gratum futurum. Supplicant autem Status et Ordines Suae Maiestati Caesareae, dignetur ipsa quoque eundem in suam gratiam et clementiam recipere. Item, postquam in praesenti rerum et temporum statu, videtur Regnicolis, ut in Ungaria duos, in Sclavonia vero unicum terminum iudiciorum octavalium habere sufficiat, statútum est, ut pro parti bus Regni superioribus octavo die festi Sancti Georgii Martyris, iuclicia in Civitate Cassouiensi celebrentur; pro Comitatibus vero eis- et ultra Danubium sitis, a Lipthowia versus has partes incipientibus, hic Posonii pro octavo die beati Lucae Evangelistae similiter peragantur; in Sclavonia, Zagrabiae vel Varasdini pro Dominica Invocavit, et durent ubique, uti hactenus, quadraginta diebus, exceptis festis. Videtur etiam Statibus et Ordinibus Regni aequitati congruum esse, ut Vicebanus pro tempore constitutus causas contra Dominum Banum motas, vel movendas revidere et adjudicare, debitaeque executioni demandare possit; sicuti in Ungaria Vicecomites possunt et solent causas Supremorum Comitum revidere. Caeterum in iuramentorum depositione, quae ex causarum processibus communis scilicet inquisitionis, ac purgatione sui per conjuratores fienda, subsequi sólet, in Sedibus Comitatuum saepenumero nonnulli falsum iuramentum, contra Deum et ejus iustitiam, facere solent; ideo, si' qui tales manifeste et evidenter falso jurasse dinoscentur, idque aperte constiterit, Supremus Comes vel Vicecomes, comperta rei veritate, tales perjuros, ex suo officio in Sedem citare debeant, ac eos, iure convictos, pro demerito puniant. Qua in re appellatio ad Curiam Regiam admittatur; reo interim in vinculis existente