Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 6. 1573—1581 (Bp., 1883)
V. HORVÁT- és TÓTORSZÁGI GYŰLÉSEK, 1573-1581.
544 HORVÁT" ÉS TÓTORSZÁGI GYŰLÉSEK libertates et constitutionem Regni. habere vellent; cum haberent, in absentia Domini Bani, suum Yicebanum in Regno, qui Dominus Vicebanus, prout assumpsit officium, more praedecessorum suorum veteranorum Vicebanorum, aduigilare debet Confiniis Regni, cum copiis et gentibus Banalibus, et si necessitas expostulauerit, iuxta articulum superinde aeditum, faciat insurgere quintam partém colonorum, et a viginti fumis equitem unum, more alias consueto. Quantum autem ad erigendum et extruendum fortalitium finitimum Brezth, et alia ibidem ad Colapim necessaria fortalitia erigenda, potissimum vero pro tectura fortalitii Zredicbki, et praesidio praestando, per Dominos Regnicolas, ad conseruationem illius fortalitii, cum Dominus Banus serio jnstat apud Caesaream Maiestatem et Serenissimos Principe» Ernestum et Carolum Archiduces, ut prouiderent ad conseruationem, per Dominos Ragnicolas magnis laboribus extructorum fortalitiorum, et ut Principes ipsi in ipsa fortalitia finitima praesidium ferrent; Domini Regnicolae, pro praesenti, tamcliu videlicet, quousque praesidium Principum non apparuerit, ad postulationem Domini Bani, super praemissis nibil concludere possunt, praeter restantias laboratorum, ad futurum festum sancti Martini Episcopi, per quosuis ad Szredichki praestandorum. Cum autem adulterina moneta seu pecunia per Regnum ubiuis pullulare videtur, et ut cusores huiusmodi falsae et adulterinae monetae ubi resideant, in medio Regni perquirantur, per Magnificum Dominum Comitem Thomam Erdeödi. Praesentatur Dominis Regnicolis Joannes Bogban de Jamnicza, colonus Dominae consortis Joannis Spissich, ibidem commorantis, et producuntur fabriles formae et moneta adulterina apud illum, per homines Domini Comitis Erdeödi, reperta, qui cusorem falsae monetae se esse non negat. Producitur etiam talis adulterina moneta per eundem fabricata, etiam per praefatum Dominum maiorem Praepositum Zagrabiensem. Quod negotium, ut uberius inquiratur, committitur ad diligentiam ipsius Domini Comitis Thomae Erdeödi et Domini Vicebani, potissimum de requirendis aliis collegis huiusmodi falsi eriminis.
