Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 5. 1564—1572 (Bp., 1877)
V. A POZSONYI ORSZÁGGYŰLÉS 1572. SZEPTEMBER- ÉS OKTÓBERBEN.
472 A POZSONYI ORSZÁGG5TÍJLÉ8 In Sclauonia autem Judicia publica bis in anno, in Ciuitate Zagrabiense Montis grecensis celebrentur, hoc est, primo pro festő Epiphaniae Domini, et secundo pro festő Beati Jacobi Apostoli, et singuli Judiciorum termini durent singulis diebus quadraginta, exceptis festis; quibus intersit Dominus Episcopus Quinqueecclesiensis. Transmissiones autem ex Sclauonia deduetae reuideantur liic Posonii, more antiquitus obseruato. Postremo decernunt Status et Ordines Regni, ut in exactione Dicae, seu Subsidii, in proximo conuentu ad duos annos oblati, item in laboribus gratuitis ad confinia per colonos praestare solitis, nec non de continui equitatus in iisdem coníiniis intertentione, usque ad futuram generaiem Dietam, is modus et ordo seruetur, qui in Comitiis anni 1569. fűit unanimiter conclusus. Nos itaque praemissa supplicatione fidelium nostrorum, Dominorum Praelatorum, Baronum, Nobilium, caeterorumque Statuum et Ordinum huius Regni nostri Ungariae, et partium ei subiectarum, clementer admissa et exaudita, praedictos uniuersos et singulos Articulos, praesentibus literis nostris de verbo ad verbum inseri, et inscribi fecimus, eosdemque et omnia ac singula in eisdem contenta ratos, gratos et accepta habentes, eisdem nostrum Regiuin consensum beneuolum pariter et assensum praebuimus ; illosque, et quaeuis in eis contenta, authoritate nostra Regia, acceptauimus, approbauimus, ratificauimus et confirmauimus, offerentes nos clementer, quod praemissa omnia in omnibus punctis, clausulis et Articulis, tam nos ipsi inuiolabiliter obseruabimus, ac per alios quoslibet cuiuscunque status et conditionis bomines, subditos nostros in Regno nostro Ungariae, obseruari faciemus ; imo acceptamus, approbamus, ratificamusque, et confirmamus, ha • rum nostrarum vigore, et testimonio literarum. Datum in Arce nostra Regia Posoniense, decima quinta die Mensis Octobris, Anno Domini Millesimo quingentesimo septuagesimo secundo, Regnorum nostrorum Romani decimo, Ungariae et aliorum nono, Bohemie vero Anno vigesimo quarto. Maximiiianus Nicolaus Isthuanffy. (Eredeti példánya a M. N. Múzeum könyvtárában.)
