Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 4. 1557—1563 (Bp., 1877)

I. A POZSONYI ORSZÁGGYŰLÉS 1557. Júniusban.

86 A POZSONYI ORSZLO GYŰLÉS. sentis necessitatis respectu, et allegati periculosi exempli causa, ad decretum subsidiarium florenum, a singulis colonis dicae nomine, secundum modum et connumerationem, quae inferius describetur, ad proxime futurum festum natiuitatis gloriosae virginis Mariae, in cameram maiestatis suae exigendum, alterum adhuc florenum ad festum beati Andreae apostoli presentis 1557. anni soluendum, addant et contribuant, ac denique sibimet non deesse velint. Porro, tametsi ordines ac status regni Hungáriáé certam quandam rationem et modum instituendae connumerationis hoc tempore prescripserint, putat tarnen regia maiestas alium modum extare, quo connumeratio ista tum maiestati suae cum ipsi regno longe sit futura utilior, quem etiam ut ordines accipiant et obseruent, maiestas sua clementer postulat; nempe ut in singulis possessionibus omnes quotqiiot sunt domus connumerentur, factoque tali connumeratione iudex vel dominus eius possessionis faciat limitationem seu distributionem dicae, pro cuiusque fortunis et facultatibus, ita quod diues pauperem releuet, et quod niholominus ex singulis domibus seu portis, quae habitatae et non desolatae ac desertae fuerint, ad prescriptos duos terminos natiuitatis Virginis Mariae et sancti Andreae, bini floreni prestentur. Praeterea exemptiones in connumeratione contributionum fieri consuetae cessent, utpote molitorum, libertinorum, mercenariorum, coquorum, sartorum, sutorum, fabrorum ferrariorum et lignariorum, pellionum, carbonariorum, et aliorum opificum, quin nullus eorum a solutione dicae liberetur. sed omnes debito modo secundum fortunas et facultates cuiusque connumerentur et dicentur ; demptis iis sessionibus vel portis ac domibus, quae combustae ac desertae, habitatoribusque vacuae fuerint, quas maiestas sua omnino immunes et exemptas esse iudicat; siquidem inter illos qui exempti antehac fuerunt multo ditiores esse constat, quam illi sunt, qui connumerantur et ad solutionem coguntur, et alioquin pauperum ratio haben da est, ne ad grauiora onera quam diuites cogantur. Attamen quoad colonos illos, qui Christianis et Thurcis censum et seruitia ex aequo praebent, maiestas regia aequum iudicat, ut illis quoque dimidia dunta-