Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 2. 1537—1545 (Bp., 1875)
VII. HORVÁT- ÉS TÓTORSZÁGI GYŰLÉSEK.1537-1540.
275 HORVÁT- É S TÓTORSZÁGFI GYŰLÉSEK. 1537 — 1540. dominice Rogacionum similiter ad manus dictj magistri prothonotarij dare, administrareque debeant et teneantur, qui iuxta commissionem dominorum Banorum dispensare debeat. Vt autem huiusmodi subsidium personarum ecclesiasticarum comodius, et absque bonorum et rerum ecclesiasticarum aliquo dispendio, administrari posset, conclusum est, vt tam domini Magnates, quam eciam Nobiles ac Regnicolc huius Regni plébános eorum ac alias personas ecclesiasticas, in bonis ipsorum constitutos et existentes, eciam per priuacionem prouentuum aut beneficiorum eorundem, ad solucionem dicti subsidi] cogere et compellere debeant et teneantur; alioquin non bona ecclesiastica, sed bona ipsorum dominorum et nobilium, vbj talis plebanus aut alia persona ecclesiastica contumacia vsa subsidium soluere neglexerit, depredabuntur ; et huiusmodi contribucio ecclesiasticarum personarum ad necessitates castrorum finitimorum per dominos Banos exponatur, quousque Regia Maiestas aliter prouidebit. Non latet insuper vniversos Regnicolas, qualiter Egregius Johannes alappy de Naghkemlek superioribus annis, in seruicijs huius Regni existens, in captiuitatem Thurcarum inciderat , ex qua cum maxima summa florenorum illius eliberacio fierj debuit , vt eciam modo omnia fere bona sua pignorj in- . scripta existunt, vt igitur idem Johannes alapy sua seruicia in conspectu Regni pondus aliquod conciliasse videat, et alij quoque hinc exemplarj ad seruicia Regni alacriores reddantur, obtullimus eidem similiter de omnium bonis, de singulo fumo, singulos decem denarios, statim cum presenti medio floreno simul manibus ipsius Magistri prothonotharij administrandos. Nobiles quoque vnius sessionis ad solucionem premissorum omnium, tam victualium, quam eciam subsidiorum astricti sint et obligatj ; qui eciam non habentes bona trium florenorum ad hanc solucionem non compellantur. Conclusum tandem est, vt iudicia, de quibus et in prioribus articulis mencio facta est, super vniuersis causis, quorumcunque actuum potenciarum, a tempore felicis Coronacionis Regie Maiestatis in hoc Regno hungarico adepte, per quoscunque patratorum, necnon dotaliciorum, jmpignoraticiorum, aliorumque casuum in articulis Regni hungarie specificatorum, 18*
