Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)
VII. ERDÉLYI, HORVÁT- ÉS TÓTORSZÁGI GYŰLÉSEK. 1527-ben.
180 IIORVÁT- fis TÓTORSZÁGI GYŰLÉSEK. lieh auch von wegen beseczung der ortflegkhn vnd Slosser anzaigung getan , Audi vnns die treffennlichistn flegkhn vnd Slosser, Als nemlichen wihitsch, Repetsch, zenng, otatschach, klis vnd sterigrat, die e. k. Mt. zugehörig , die dann notturfftigelich zu besetzen vnd zuuersehen von noten weren, des wir in bedamikhen , das e. k. Mt. vil an den obbestimbten flegkhen vnd Slossern gelegen , auch für notturfftig vnd ratsam achten , das dieselben flegkhen vnd Slosser also zu e. k. Mt. hannden eingenomen , beseczt, versehen , vnd so bloss vnd vnenntschutt nicht gelassen werden, Dann vonwegen der anndern Slosser vnd beuesstigung den Crabatischn Grafen vnd Lanndtleuten zugehörig, nemblichen die flegkhen, die an der wouen (?) Ilgen, als Cruph vnd annder, der vngeuerlich bey zwelf Slosser seinn ; Ist vnnser gnitbedunkhn, das e. k. Mt. denselben hierauf schreibe vnd zu Anntwort gebe , das sy solh jr flegkhen vnd Slosser selbst versehen vnd in gueter verwarung hallten, so welle auch e. k. Mt. aus der genedigistn mainung, so dieselb e. Mt. zu der Cron vnd kunigreich Crabatn trag, nicht vnnderlassen, dem hawbtman jn Crabatn zu beuehlen, wann ain gewalltiger einzug beschehe, jnen mit knechtn, puchsen vnd puluer ainen zuesacz zuthun, Weiter begern ain lanndschaift puluer , jn die metling zulegen , damit dasselb ablegen zufinden vnd beraitt were ; darauf haben wir bewegen . und können nicht befinden , das solh puluer daselbsthin zulegen sey , noch bewarlichen ligen mag, sonnder zu Laybach, in e. k. Mt. zeughawss beleiben zu lassen. Das pergkhwercli von dem Grafen von Serin anzunemben, darjnn wais sich e. k. Mt. wol zehalten, vnd derselben notturft zu bedennkhen, Auf das anzaigen, wo e. k. Mt. mit Graf hannsen von Zips, der Cron hungern halben ainen vertrag annembe , das ain lanndschafft für guet ansieht , damit e. k. Mt. die Confinien bestimbet , bis an die Traw oder auf das wenigist bis an die Saw; jst vnnser weiter Rat vnd gutbedunkhn, solh sorgfeltigkait den Crabatbn abzustellen, mit genediger Vertröstung, das e. k. Mt. ausserhalb abtrettung der Cron hungern , mit f
