Nagy Imre: Sopron vármegye története. Oklevéltár második kötet (Sopron, 1891)

simili censura conatis ventati testimonium perhibere. Quod si non omnes his exequendis, commode interesse poteritis duo saltem aut unus vestrum ea nihilominus exequatur. Datum Bude, Vesprimiensis diocesis, sub nostri sigilli impressione, decimo octavo die mensis (Ju)lii, anno domini Millesimo quadringentesimo septuagesimo sexto, pontificatus sanctissimi domini nostri domini Sixti divina providencia pape quarti, anno quinto. Post quarum quidem literarum ipsius domini legati presentacionem et recepcionem (nobis), ut premittitur factas, fuimus per prefatum Petrum clericum de Papa, procuratorem prefati reverendi domìni episcopi ecclesie Jauriensis, debita cum instancia requisiti, quatenus ad execucionem pretactarum literarum commissionalium, iuxta traditam seu directam nobis tormam procedere dignaremur. Nos igitur servatis de iure servandis, prefatum Paulum abbatem de Borsmonostra ad instanciam prenominati reverendi domini Demetrii episcopi ecclesie Jauriensis, exigente ipsius abbatis contumacia rebellioneque et contemtu excommunicacionis sentencia iuris ordine observato innodari et ita per vos ubique excommunicatum denunciare fecimus, prout in actis et processibus presentis cause plenius continentur. Quarum tenor(es et con)tinenciam, hic sufficienter pro insertis habere volumus. Quam quidem excommunicacionis sentenciam idem Paulus abbas de Borsmonostra animo tardivo sustinuit indurato et sustinet, ceterosque Christi fìdeles sua participacione-inficiendo, non curando ad (gremi)um sancte matris ecclesie redire, nec nostris et ecclesie parere mandatis. Unde per prefatum Petrum clericum procuratorem cuius supra nomine fuimus iteratis vicibus debita cum instancia requisiti, ut nos ad aggravacionis et reaggravacionis sentencias contra eun(dem) Paulum abbatem de Borsmonostra procedere dignaremur. Nos igitur attendendo huius modi requisicionem fore iustam et iuri consonam, ne idem Paulus abbas de sua contumacia et rebellione quomodolibet valeat gloriari et aliis cedat in exemplum, prefatum Paulum abbatem pro tribunali sedentes aggravavimus et successive reaggravavimus in his scriptis. Vestris igitur honorabilitatibus et discrecionibus in virtute salutaris obediencie et sub